Kacu tekst Zelenogorsk (Piter)

{{Eländpunkt
 | Nimi = Zelenogorsk<br />Зеленогорск
 | Lidnanznam = Coat of Arms of Zelenogorsk (St Petersburg) (2000).png
 | Flag = Flag of Zelenogorsk (St Petersburg).png
 | Lidnanznam text = Zelenogorskan lidnanznam
 | Flag text = Zelenogorskan flag
 | Valdkund = Venäma
 | Eläjiden lugu = 15,492
 | Voz' = 2023
 | Pind = 2.1
 | Fail = Зеленогорская пристань.jpg
 | Pämez' = Dmitrii Čečin<br/>(reduku 2022—)
 | Telefonkod = +7-812-xxx-xx-xx
 | Avtokod = 78. 98. 178. 198
 | Aigvö = [[UTC]]+3 ([[MSK]]+0)
}}
{{Znamoičendad|Zelenogorsk}}
'''Zelenogorsk''' ({{lang-ru|Зеленого́рск}}, {{lang-fi|Terijoki}}) om [[Venäma]]n kurortlidn [[Piter]]in administrativižiš röunoiš. Se mülüb [[Kurortan rajon (Piter)|Kurortan rajonha]].

== Istorii ==
Eländpunkt mainitase ezmäižen kerdan vl 1548. Lidnan enzne (vhesai 1948) i tutab nimi om '''Terijoki''' ({{lang-ru|Терио́ки / Терийо́ки}}, ročinkel'ne toižetadud nimi suomen ''tervajoki'' sanaspäi, znamoičeb «tervasjogi»). Oli ripmatoman [[Suomenma]]n palaks vll 1918−1940. Vozil 1939−1940 [[Tal'vsoda]]n aigan žilo oli pandud mantazole. Suren sodan aigan se oli Suomenman kontrolin al (31. eloku 1941 — 11. kezaku 1944). Žilo sai lidnan statusad vn 1946 kül'mkus, uz' ristitišt tuli Nevondkundaližen Ühtištusen erazvuiččiš rajonoišpäi.

Mülütihe Piterihe Zelenogorskan rajonanke vl 1994. Vspäi 1997 Zelenogorsk om eriline municipaline lidnalaine ühtnik Piterin Kurortan rajonas.

Zelenogorsk šingotaze [[turizm]]an da lebun edheotandoil, «Avtomatika»-tegimel (elektrotehnižed ohjanduzlaudad), sauvondmaterialiden pästandal lähižes tegimištzonas Rešetnikovo-žilonno (plastiktorved, raudbetontegesed).

== Geografijan andmused ==
Lidn sijadase pidust' [[Suomen laht]]en randad. Matkad Piterin [[Suomen päraudtestancii|Suomen päraudtestancijhasai]] om 50 km päivnouzmha-suvipäivnouzmha. Lähembaine lidn om Piterin regionan [[Sestroreck]] suvipäivnouzmha.

[[Zelenogorsk (raudtestancii)|Ühtennimine ''Zelenogorsk''-raudtestancii]] radab lidnas, saudihe vl 1869 i udesnimitihe lidnanke ühtes.

== Tobmuz ==
Municipaližen ühtnikan pämez' om sen nevondkundan ezimez'. Edeline ühtnikan pämez' om Boris Semenov (sügüz'ku 2016 — viluku 2022). Sijaližen Administracijan pämez' om Igor' Dolgih vn 2014 kül'mkuspäi.

== Eläjad ==
Vn 2010 Venäman rahvahanlugemižen mödhe lidnan eläjiden lugu oli 14 958 ristitud, vn 2021 — 15 613 ristitud. Kaik 15 136 eläjad oli lidnas vl 2017. Kaikiš suremb lidnan ristitišt oli 16 206 eläjad vl 1970.

Rahvahad (2010): [[venälaižed]] — 92,7 %, [[ukrainalaižed]] — 2,1 %, [[vaugedvenälaižed]] — 1,4 %, toižed rahvahad — 3,8 %.

[[Ortodoksine hristanuskond|Ortodoksižen hristanuskondan]] viž pühäpertid<ref>[http://sobory.ru/geo/locat/3510 Zelenogorskan pühäpertid ''sobory.ru''-saital.] {{ref-ru}}</ref> oma saudud lidnas: koume jumalanpertid i kaks' časounäd. Niiden ližaks Spasan Londuseližen Mel'kuvan jumalanpert' kaumžomas ei ole kaičenus. [[Lüteranižuz|Lüteranine]] Sündun Toižetamižen jumalanpert' om saudud vll 1907−1908, se om udessündutadud i pühästadud tošti vl 2008. [[Baptizm]]an «Toivon vest'»-jumalanpert' om avaitud.

Lapsiden opendusen aluzkundad oma koume päivkodid, kaks' keskškolad, sädamižen pert', čomamahtoiden škol. Professionaližen opendusen aluzkundad ratas lähembaižiš lidnoiš.

== Galerei ==
<gallery mode="packed" heights="125px">
Снайпер Зеленогорска м.с. адм. газета.JPG|Sijaline administracii, lugendlehtesen redakcii i norišton «Snaiper»-keskuz (2010)
Зеленогорск Церковь Казанской иконы Божией Матери1.JPG|Jumalanmaman Kazanin jumalaižen pühäpert' (ortodoksine hristanuskond), vn 2009 nägu
BaltiyskiyBereg.jpg|«Baltiiskii bereg»-sanatorijan päkorpus (2010, «Baltijan rand»)
Зеленогорская поликлиника.JPG|Poliklinik nomer 69 vl 2010
Зеленогорск СПб вокзал 2012 год.JPG|''Zelenogorsk''-päraudtestancijan sauvuz vl 2012
</gallery>

== Homaičendad ==
<references />

== Irdkosketused ==
* [http://зеленогорск.спб.рф/ Lidnan sijaližen tobmuden oficialine sait (''зеленогорск.спб.рф'').] {{ref-ru}}
* [http://terijoki.spb.ru/ Informacine sait lidnan istorijas (''terijoki.spb.ru'').] {{ref-ru}}
{{Commons|Category:Zelenogorsk (Saint Petersburg)}}

{{Piter}}

[[Kategorii:Zelenogorsk (Piter)| ]]
[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Piterihe mülüjad lidnad]]
[[Kategorii:Kurortan rajon (Piter)]]