Izberbaš

Izberbaš
Избербаш (ven.)
Избир (darg.)
Йизбирбаш (kum.)
Избербаш / Изберг (lez.)
	Lidnanznam;
Valdkund	Venäma
Eläjiden lugu (2022)	62,349 ristitud
Pind	22,55 km²
Pämez'	Magomed Isakov; (viluku 2019—)
Telefonkod	+7−87 245-xx-xxx
Avtokod	05
Aigvö	UTC+3 (MSK+0)

Izberbaš (ven.: Изберба́ш, darg.: Избир, kum.: Йизбирбаш, lezg.: Избербаш / Изберг) om Venäman lidn da lidnümbrik Dagestanan Tazovaldkundan suvipäivnouzmas.

Istorii[vajehta | vajehtada tekst]

Nügüdläižen eländpunktan aluz om pandud vl 1932 kuti Izberg-radnikžilo samha kivivoid meren pohjan alpäi, nimitihe mägen mödhe. Žilo sai lidnan statusad vl 1949, kätihe Izberbaš:aks.

Izberbaš šingotase sömtegimištol (maidtegim, leibtegim, kaks' konditerišt fabrikad, vinkon'jaktegim, südäiveziden tegim), kivivoin lopmižiden samižel, elektrotermižen mašiništon tegimel, radiotegimel, fil'truindmašiništon tegimel, omblendfabrikal, merikurortaks.

Geografijan andmused[vajehta | vajehtada tekst]

Lidn vedase pidust' Kaspijan mererandad 10 kilometras, seižub 13 m keskmäižel korktusel valdmeren pindan päl. Matkad Mahačkalhasai om 65 km lodeheze, sen Kaspiisk-ezilidn om lähembaine lidn.

Izberbaš om lidnümbrikon üks'jäine eländpunkt.

Eläjad[vajehta | vajehtada tekst]

Vn 2010 Venäman rahvahanlugemižen mödhe eläjiden lugu oli 55 646 ristitud, vozile 2008 i 2010 ühtenzoittihe lidnad lähižidenke eländpunktoidenke. Vl 2018 lidnan ristitišt oli 58 690 eläjad. Kaikiš suremb ristitišt om nügüd'.

Rahvahad (enamba 1% vl 2010): darginalaižed — 64,9%, kumikalaižed — 15,1%, lezginalaižed — 7,8%, venälaižed — 3,7%, avarad — 3,5%, lakalaižed — 2,5%, toižed rahvahad — 2,2%, rahvahuden ozutandata — 0,3%.

Islaman koume pühäpertid oma avaitud lidnas, niiden kesken Keskuzline Džuma-mečet'. Ortodoksižen hristanuskondan ph. Serafim Sarovalaižen jumalanpert'^[1] radab lidnas, om saudud vll 2000−2002.

Nene professionaližen opendusen aluzkundad ratas lidnas:

Industrialiž-tegimištoline kolledž^[2],
Professionaliž-pedagogine kolledž M. M. Medžidovan nimed^[3],
Čeläbinskan radiotehnikuman Izberbašan filial,
Medicinižen kolledžan Bašlarovan nimed (Mahačkal) filial^[4].

Edeline lidnümbrikon pämez' (lidnan administracijan pämez') om Abdulmedžid Suleimanov (eloku 2015 — viluku 2019), vll 2008−2014 hän radoi lidnümbrikon pämehen mugažo.

Galerei[vajehta | vajehtada tekst]

Lidnan tobmuden sauvuz (2010)
Lidnan käskuzkund, vn 2022 nägu
Kinoteatr vl 2022
Darginan teatr (2022)
Izberbaš-päraudtestancijan sauvuz vl 2022

Homaičendad[vajehta | vajehtada tekst]

Irdkosketused[vajehta | vajehtada tekst]

Lidnan tobmuden aluzkundoiden oficialine sait (mo-izberbash.ru). (ven.)

Izberbaš Vikiaitas

	Dagestanan Tazovaldkundan lidnad
	Buinaksk \| Dagestanan Lämoid \| Derbent \| Hasavürt \| Izberbaš \| Kaspiisk \| Kizilürt \| Kizlär \| Mahačkal \| Suvisuhokumsk

[1] Izberbašan pühäpertid sobory.ru-saital. (ven.)

[2] Industrialiž-tegimištoližen kolledžan sait (ipk.dagestanschool.ru). (ven.)

[3] Professionaliž-pedagogižen kolledžan M. M. Medžidovan nimed sait (ppk-m.dagestanschool.ru). (ven.)

[4] Izberbašan filial Medicinižen kolledžan Bašlarovan nimed bashlarov.ru-saital. (ven.)

[1]

[2]

[3]

[4]