Ma

Vikipedii
Hüpähtada: navigacii, Ecind
Apolon-17:n Man fotokuva
Man astronomine znam

Ma (latinan kelel: Terra) om koumanz' planet Päiväižespäi lugeden Päiväižen sistemas, kaikiš jaredamb diametran, vedadusen da ninevusen mödhe Maižen gruppan planetoiden (Merkurii, Vener, Ma i Mars) keskes. Matk Maspäi Päiväižehesai om 149 597 887 kilometrad vai 1 astronomine ühtnik. Planet punose ümbri Päiväižes da tegeb kogonaižen punondan 365,26 päiviš. Mugažo se punose ümbri ičeze värtmudes da tegeb kogonaine punond 23 časuiš 56 minutoiš i 4.091 sekundoiš. Mal om üksjäine londuseline sputnik — Kudmaine. Keskmäine matk Maspäi Kudmaižhesai om läz 384 400 kilometrad. Mal om ičeze atmosfer, kudambha mülüdas azot (78,08 %), kislorod vai hapanik (20,95 %), argon (0,93 %) i toižed elimentad.

Man pind om 510 072 000 nellikkilometrad. Läz hänen 70,8 procentad om Veden Manvaldmeri (okean). Manvaldmerhe mülüdas Atlantine, Indine, Jä-, Suvi- da Tün' valdmered. Valdmered da kanalad jagadas kuivmad kontinentoihe: ned oma Afrik, Antarktid, Avstralii, Evrazii, Pohjoižamerik, Suviamerik. Tedoližed andmused ozutadas, miše Ma om sänus Päiväižen sumegusespäi läz 4,54 milliardad vot tagaze. Elo om tulnu Male läz 3,5 milliardad vot tagaze.

Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.