Päiväine

Vikipedii
Hüpähtada: navigacii, Ecind
NASA:n Päiväižen fotokuva
Päiväižen astronomine znam

Päiväine (latinan kelel: Sol) om Päiväižen sisteman üksjaine tähtaz, kudambas ümbri punose necen sisteman toižed objektad: planetad i niiden sputnikad, karlikplanetad i niiden kaimnikad, asteroidad, meteoroitad, händtähthad (kometad) da kosmospölüd. Päiväižen vedaduz om 99,866 % Päiväižen sisteman vadadust vai 1,9891×1030 kilogrammad. Päivaižen sädegoičend abutab elole Mal (fotonad oma tarbhaižed fotosintezha täht). Päiväižen südäimuz: vezinik (~73 % vedadusespäi i ~92 % mülündmäraspäi), gelii (~25 % vedadusespäi i ~7 % mülündmäraspäi) da toižed elementad penembanke koncentracijanke (raud, nikel', kislorod vai hapanik, azot, ola, rik, magnii, hil'nik, neon, kal'cii, hrom). Spektraližen klassifikacijan mödhe päiväine om G2V:n tipan tähtaz («Pakuine karlik»).

Lämuz Päiväižen pindal om 6000 K (kel'vinad).

Päiväižen da Maidten galaktikan keskusen keskes om 26 000 lämoivot; Päiväine punose ümbri Maidtes. Nügüd' Päiväine om meiden galaktikan Orionan hijamas.

Irdkosketused[redaktiruida | redigeeri lähteteksti]