Okulovk
Lidnanznam | |
Valdkund | Venäma |
Eläjiden lugu (2020) | 9,772 ristitud |
Pämez' | Tat'jana Nesterova (sulaku 2018—) |
Telefonkod | +7−81 657-xx-xxx |
Avtokod | 53 |
Aigvö | UTC+3 (MSK+0) |
Okulovk (ven.: Окуло́вка) om Venäman lidn da lidnankund Uz'lidnan agjan keskuzpalan päivnouzmas. Se om Okulovkan rajonan administrativine keskuz (vspäi 1927).
Istorii[vajehta | vajehtada tekst]
Okulovk-eländpunkt mainitase ezmäižen kerdan vl 1495 Derevan pätinan aigkirjas kuti Poliščenskii-pagastan pala (ven.: Полищенский погост). Om raudtestancijaks «Moskv — Piter»-jonon sauvondan jäl'ghe vl 1851. Bumaganfabrik oli olmas. Vn 1928 25. päiväl kezakud kätihe Okulovkad da lähišt Parahino-Poddub'je-eländpunktad radnikžiloikš. Vn 1965 12. päiväl vilukud ühtenzoittihe žiloid i panihe Okulovk-lidnaks.
Okulovk šingotase plastikvalamižtegesiden i gal'vanižkrepindoiden tegimel, «Agrokabel'»-tegimel[1] i mebel'furnituran edheotandal.
Geografijan andmused[vajehta | vajehtada tekst]
Lidn sijadase Peretn-jogen oiktal randal tobjimalaz (ven.: Перетна, Mstan hura ližajogi, Il'mjärven bassein), 161 m ü.m.t. keskmäižel korktusel. Matkad Surhe Uz'lidnhasai om 120 km päivlaskmha orhal vai 140 km avtotedme. Lähembaine lidn om Boroviči 35 km päivnouzmha orhal vai 40 km avtol.
Kaik kaks' küläd mülüdas lidnankundha Okulovkan ližaks: Okulovk-külä (23 rist. vl 2010) i Šurkino (385 rist. vl 2010). Lidnankundan pind — 27,44 km².
Eläjad[vajehta | vajehtada tekst]
Vn 2010 Venäman rahvahanlugemižen mödhe lidnan eläjiden lugu oli 12 464 ristitud, lidnankundan — 12 872 ristitud, rajonan pol'. Kaikiš suremb lidnan ristitišt oli 19..20 tuh. eläjid vll 1967−1979 (20 tuh. rist. vl 1967). Vl 2017 kaik 10 470 eläjad oli lidnas i 10 848 ristitud kaikes lidnankundas.
Ortodoksižen hristanuskondan kaks' pühäpertid[2] oma avaitud lidnas: ph. Aleksandr Nevalaižen jumalanpert' (om saudud vll 1900−1901) i ph. Serafim Sarovalaižen puine časoun' vspäi 2005.
Borovičin agrotegimištoližen tehnikuman Okulovkan filial om lidnan professionaližen opendusen aluzkundaks.
Galerei[vajehta | vajehtada tekst]
-
Lidnan i Okulovkan rajonan administracijan sauvuz (2010)
-
Ph. Aleksandr Nevalaižen jumalanpert', vn 2010 nägu
-
Rajonan käskuzkund (2010)
-
Kodirandantedištandmuzejan N. Mikluho-Maklajan nimed südäin (2016)
-
Okulovk-raudtestancijan sauvuz vl 2010
Homaičendad[vajehta | vajehtada tekst]
- ↑ «Agrokabel'»-tegimen sait (Okulovk, agrocabel.ru) (ven.)
- ↑ Okulovkan pühäpertid sobory.ru-saital. (ven.)
Irdkosketused[vajehta | vajehtada tekst]
- Okulovkan lidnankundan lehtpoled rajonan tobmuden aluzkundoiden oficialižel okuladm.ru-saital. (ven.)
Okulovk Vikiaitas |
Uz'lidnan agjan lidnad | ||
Boroviči | Čudovo | Holm | Okulovk | Pen' Višer | Pestovo | Sol'ci | Sur' Uz'lidn | Valdai | Vanh Russ | ||