Vikipedii-späi
Pü
Pün ižač Königštain-lidnan «Opel'»-zooparkas, Gessen, Saksanma
Tedoklassifikacii
Valdkund: Živatad
Tip: Sel'gjäntkeižed (Chordata)
Klass: Lindud (Aves)
Heimkund: Kananvuiččed (Galliformes)
Sugukund: Fazanižed (Phasianidae)
Heim: Püd (Tetrastes)
Erik:
Latinankel'ne nimi
Tetrastes bonasia (Linnaeus, 1758)
Areal
Image


Sistematik
Vikierikoiš


Kuvad
Vikiaitas

ITIS 677536
NCBI 1155787
Pün munad — Tetrastes bonasia rupestris.

(latin.: Tetrastes bonasia vai Bonasa bonasia) om levitadud meclind, mülüb Püd-heimho. Lugetas 11 alaerikod.

Leviganduz[vajehta | vajehtada tekst]

Elädas kaikedme Evrazijadme sen meczonas da taigas. Pü pidase mecan südäimes, ei lähemba mi 200..300 metrad mecanröunaspäi. Ei navedi harvoid mecoid i mecpuištoid, otab parembaks segoitadud mecoid.

Linduiden par pidase ičeze tarhad, tal'vdub siš-žo. Ku sada püd, ka sen erik ei tule sihe tarhaze hätken. Eläb edahan ristitun pertišpäi, pölgästunuded äkkiližikš lindud voidas kadotada ičeze poigaižid, i ned pölištudas.

Ümbrikirjutand[vajehta | vajehtada tekst]

Höunhišt om kirjav (mustad, rusttad, burad, vauktad šoidud), no severziš-se metroiš näguse hahkan monohromižikš. Vedadas 500 grammad da sen vähemba, eskai täuz'kaznuded eričud oma penemba äjan, mi Fazanižed-sugukundan toižed erikod. Lind händanke om 35..37 sm pitte, suugiden maihutuzkeskust — 48..54 sm. Ižačun veduz oleleb 327..580 g, emäčun 306..560 g, laihtub tal'ven mändes. Elonmahtuz om tedran pojav. Vedab elon man pindal, tal'vel eläb pun oksil vai lumes. Pün hibj om vaumitud hüvin tal'veks, no lind mokičese kovan pakaižen i sötken vajaguden tagut.

Söte om erazvuitte voz'aigoidme, otab sömäks marjoid, penid gavedid (kuzimurahaižed), käbuiden semnid, kedran pähkmid, erasiden kazmusiden lehtesid i änikoid.

Kävutand[vajehta | vajehtada tekst]

Lind om sportmectusen objektaks lihaze-delikatesha näht. 1970-nzihe vozihesai riktud pü oli Venäman eksportan palaks.

Kodikoičese pahoin[1]. Voib kazvatada pün poigaižid stajas, no se koverikaz rad sättub populäcijan üdessündutamižen täht vaiše.

Homaičendad[vajehta | vajehtada tekst]

  1. Püiden kazvatuz. — Incubatortorg.ru. (ven.)