Tesla Nikola

Vikipedii
Hüpähtada: navigacii, Ecind
N. Tesla (fotokuva)

Nikola Tesla (serbohorvatan kelel: Никола Тесла vai Nikola Tesla; 10.07.1856, Smilän, Avstrine imperii, nügüd' Horvatijas — 7.1.1943, Uz' Jork, AÜV) — fizikantedomez', inžener, elektrotehnikantedomez' da melestegii. Tesla oli sündnu da kaznu Avstrižhe imperijaha (sid' - Avstriž-Mad'jarižhe imperijaha), möhemba radoi Francijas da AÜV. Vl. 1891 hän tegihe AÜV:an rahvahanikaks.

Sur' om Teslan tond elektrusen da magnetizman tedoidushe. Hänen patentad da teoretižed töd avaižiba ted nügüd'aigaižile ladimile, kudambad ratas vajehtujan joksusel abunke, äifazižile sistemile da elektrolikutimile. Kaik nened ladimed laskiba zavottä uz' etap industrialižes revolücijas.

Tesla om tutab kut efiran teorijan polenpidai.

Hänen nimel (Tesla) om nimitanu magnitvalun tihedusen ühtnik.