Zal'cburg

Zal'cburg
Salzburg
Lidnanznam;	Flag;
Valdkund	Avstrii
Eläjiden lugu (2020)	155,021 ristitud
Pind	65,65 km²
Pämez'	Hainc Šaden
Telefonkod	+43−662
Aigvö	tal'vel UTC+1,; kezal UTC+2

Zal'cburg (saks.: Salzburg [ˈzalt͡sbʊɐ̯k], sen bavarijan pagin: Soizburg «sollidnuz») om lidn Avstrijan lodehes. Se om Zal'cburg-federacijanman administrativine keskuz da kaikiš suremb lidn, valdkundan nellänz' lidn eläjiden lugun mödhe.

Istorii[vajehta | vajehtada tekst]

Nügüdläižen eländpunktan aluz om pandud vl 700 Rupert-episkopal-pühämehel. Hän pani kahten jumalankodin alusid, ned kändihe tuleban aigan lidnan südäitukuks: Pühän Petran benediktine abbatuz (mez'jumalankodi) i Nonnberg-naižjumalankodi. Vl 739 panihe lidnad episkopan rezidencijaks, se oli hristanuskondan missioneroiden radmižen keskusen al'pižes regionas 8. voz'sadan lopuspäi. Nimitihe lidnan keitandsolan äiluguižiden löudmižsijiden tagut ümbristoš siš-žo aigaspäi.

Zal'cburg šingotase korktoiden tehnologijoiden edheotandoil (avtomatizacii, programholitusen sädand), telekommunikacižeks keskuseks, mul'timedijan industrijal, sömtegimištol (mineralveded, olud). Manipulätoroiden Palfinger-tegii i iknoiden da uksiden MACO-furnituran kompanii saudihe iceze päfateroid lidnas. Jomiden Red Bull GmbH-koncernan päfater sijadase ezilidnas. Zal'cburgan rengaz radab avto- i motovoibuižiden täht päivnouzmha lidnaspäi vspäi 1968. Londuseližen gazan «Haidah»-varažom (2,8 mlrd m³) om kahtenz' surtte Keskuzevropas.

Geografijan andmused[vajehta | vajehtada tekst]

Lidn sijadase federacijanman pohjoižes, 424 m ü.m.t. keskmäižel korktusel. Matkad Ven-pälidnhasai om 300 km päivnouzmha, Münhenhasai om 145 km päivlaskmha, Saksanman röunhasai om viž kilometrad.

Klimat om ven. Voden keskmäine lämuz om +9,8 C°, kezakun-elokun +18..19 C°, tal'vkun-uhokun −1..+1 C°. Paneb sadegid 1120 mm vodes, enamba semendkus-elokus (130..172 mm kus), vähemba tal'vkus (47 mm) i uhokus (39 mm).

Eläjad[vajehta | vajehtada tekst]

Vl 2011 lidnan eläjiden lugu oli 145 367 ristitud. Kaikiš suremb ristitišt om nügüd'.

Kaik nell' universitetad ratas lidnas.

Irdkosketused[vajehta | vajehtada tekst]

Lidnan oficialine sait (stadt-salzburg.at). (saks.)

Zal'cburg Vikiaitas

	Avstrijan federacijanmad da niiden administrativižed keskused
	Alaavstrii (Sankt Pöl'ten) \| Burgenland (Aizenštadt) \| Forarl'berg (Bregenc) \| Karintii (Klagenfurt) \| Štirii (Grac) \| Zal'cburg (Zal'cburg) \| Tirol' (Insbruk) \| Ven \| Üläavstrii (Linc)