Kacu tekst Blagoveščensk (Amuran agj)

{{Eländpunkt
 | Nimi = Blagoveščensk<br />Благовещенск
 | Lidnanznam = Coat of arms of Blagoveshchensk 1878.svg
 | Flag = Flag of Blagoveshchensk.svg
 | Lidnanznam text = Blagoveščenskan lidnanznam (Amuran agj)
 | Flag text = Blagoveščenskan flag (Amuran agj)
 | Valdkund = Venäma
 | Eläjiden lugu = 239,864
 | Voz' = 2024
 | Pind = 320.97
 | Fail = Благовещенск-2011 (041).JPG
 | Pämez' = Oleg Imamejev<br/>(heinku 2020—)
 | Telefonkod = +7-4162-xxx-xxx
 | Avtokod = 28
 | Aigvö = [[UTC]]+9 ([[MSK]]+6)
}}
{{Znamoičendad|Blagoveščensk}}
[[Fail:Blagoveshchensk location map.png|thumb|left|250px|Lidnan kart ümbrištonke (2017)]]
'''Blagoveščensk''' ({{lang-ru|Благовещенск}} [bləgɐˈvʲeɕːɪnsk]) om lidn da lidnümbrik [[Venäma]]n suvipäivnouzmas. Se om [[Amuran agj]]an administrativine keskuz da kaikiš suremb lidn. Om agjan [[Blagoveščenskan ümbrik]]on (ende rajonan) administrativižeks keskuseks mugažo, ei mülü sihe.

== Istorii ==
Eländpunktan aluz om pandud ''Ust'-Zejan küläks'' ({{lang-ru|станица Усть-Зейская}}) vl 1856. Külä sai lidnan statusad nügüdläiženke nimitusenke vl 1858, Blagoveščenjan jumalanpertin mödhe.

Vozil 1919 (keväz'ku) — 1920 (semendku) Blagoveščensk oli okkupiruidud [[Japonijan imperii|Japonijan imperijan]] sodavägil.

== Geografijan andmused ==
Lidn sijadase [[Amur (jogi)|Amur-jogen]] hural randal [[Zei (jogi)|Zei-jogen]] lanktendan sijas, 122 m ü.m.t. keskmäižel korktusel. Amur-jogen leveduz om läz 800 metrad lidnan röunoiš.

Kitajine [[Heihe]]-lidn seižub Amuran oiktal randal vasthapäi, kaikiš penemb keskust sihesai om 526 metrad. Avtotesild ühtenzoitab niid, se om saudud vll 2016−2019, no ekspluatacii ei ole zavodinus pandemijan tagut i planiruiše vn 2022 ezmäižes polespäi.

Klimat om [[ven vö|ven]] mussonine kontinentaližen pirdoidenke. Se om pil'vekaz kezal, päivoikaz tal'vaigan. Voden keskmäine lämuz om +1,9 C°, kezakun-elokun +19,4..+22,2 C°, tal'vkun-uhokun −16..−21 C°. Ekstremumad oma −45,4 C° (uhoku) i +39,4 C° (kezaku). Kezaaigan minimum om +0,1 C° (kezaku), tal'vaigan maksimum om +7,0 C° (uhoku). Ei voi panda halad kezakus-elokus. Ei oleskele sulasäd vilukus (maksimum +0,2 C°). Paneb sadegid 570 mm vodes, enamba kezakus-elokus (91..141 mm kus), vähemba kül'mkus-keväz'kus (7..13 mm kus). Voib olda sur'vezid kezaaigan (1958, 1984, 2013, 2021). Kun keskmäine relätivine nepsuz vajehtase 55..62 % röunoiš keväz'kus-semendkus i redukus, 78..80 % heinkus-elokus.

== Tobmuz ==
Kaik kaks' muite žilod, kaks' küläd da kaks' žilod raudtestancijanno mülüdas lidnümbrikho Blagoveščenskan ližaks.

Edeline lidnan pämez' om Valentina Kalita (keväz'ku 2015 — heinku 2020).

== Eläjad ==
Vl 1913 lidnan ristitišt oli läz 70 tuhad. Vn 2010 Venäman rahvahanlugemižen mödhe lidnan eläjiden lugu oli 214 390 ristitud, lidnümbrikon — 219 847 ristitud. Vn 2021 rahvahanlugemižen mödhe lidnan ristitišt oli 241 437 eläjad, se ristitišton lugu oli kaikiš suremb. Vl 2018 lidnan ristitišt oli 225 091 eläjad, lidnümbrikon — 230 416 eläjad, agjan koume kümnendest.

[[Ortodoksine hristanuskond|Ortodoksižen hristanuskondan]] üks'toštkümne pühäpertid<ref>[http://sobory.ru/geo/locat/5564 Blagoveščenskan pühäpertid ''sobory.ru''-saital.] {{ref-ru}}</ref> oma saudud lidnas: Jumalanmaman Blagoveššenjan kafedraline päjumalanpert' (uz' om letud vll 1997−2003), viž jumalanpertid i viž kodijumalanpertid. [[Islam]]an pämečet' om avaitud.

== Transport ==
Avtobusad, trolleibusad da taksid oma kundaližeks transportaks lidnas. Ühtenzoituz Heihenke: laivad ujudas kezal, avtobusad ajadas tal'vel.

Vspäi 1913 ''Blagoveščensk''-raudtestancii radab. Raudte ühtenzoitab lidnad [[Belogorsk]]anke, se om 109 km pitte.

Rahvahidenkeskeine civiline ''Ignatjevo''-lendimport (''BQS / БГЩ'', 710 tuhad passažiroid vl 2021) sijadase 15 kilometras lodeheze lidnan keskusespäi.

== Galerei ==
<gallery mode="packed" heights="125px">
布拉戈维申斯克市政府2017.jpg|Lidnan Duman i Administracijan sauvuz (2017)
Амурский областной краеведческий музей.jpg|Amuran agjan kodirandantedištandmuzei (2012)
布拉戈维申斯克——东正教堂2017.jpg|Jumalanmaman Blagoveššenjan kafedraline päjumalanpert', vn 2017 nägu
Гавриило-архангельский мужской монастырь Фото 1.JPG|Gavriil-arhangelan jumalanpert', vn 2013 nägu (ende riman katoline pühäpert')
阿穆尔州百货商场2017.jpg|«Amurskaja jarmarka»-torguindkeskuz (2017, ''Amuran jarmank'')
Амурский Государственный университет.JPG|Amuran valdkundaline universitet, päkorpus (2010)
АмурскаяГМА.jpeg|Amuran valdkundaline medicinine akademii, administrativine korpus (2014)
Улица Горького возле гостинницы АЗИЯ.JPG|«Azija»-adivpert' (2011, ''Azii'')
Ignatyevo.JPG|''Ignatjevo''-lendimportan terminalad vl 2012
Blagoveshchensk station.jpg|''Blagoveščensk''-raudtestancijan sauvuz vl 2012
</gallery>

== Homaičendad ==
<references/>

== Irdkosketused ==
* [http://www.blagduma.ru/ Lidnan Duman oficialine sait (''blagduma.ru'').] {{ref-ru}}
* [http://www.admblag.ru/ Lidnan ohjastusen oficialine sait (''admblag.ru'').] {{ref-ru}}
{{Commons|Category:Blagoveshchensk}}

{{Amuran agjan lidnad}}
{{Venälaižen Federacijan subjektoiden pälidnad}}

[[Kategorii:Blagoveščensk (Amuran agj)| ]]
[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Amuran agjan lidnad|*]]
[[Kategorii:Amuran agjan lidnümbrikod]]
[[Kategorii:Amuran agj|*]]
[[Kategorii:Blagoveščenskan ümbrik|*]]