Kacu tekst Bratsk

{{Eländpunkt
 | Nimi = Bratsk<br />Братск
 | Lidnanznam = Coat of Arms of Bratsk (Irkutsk oblast).png
 | Flag = Flag of Bratsk (Irkutsk oblast).png
 | Lidnanznam text = Bratskan lidnanznam
 | Flag text = Bratskan flag
 | Valdkund = Venäma
 | Eläjiden lugu = 224,071
 | Voz' = 2021
 | Pind = 428
 | Fail = Bratskfountain.jpg
 | Pämez' = Sergei Serebrennikov<br/>(2005−2010,<br />reduku 2014—)
 | Telefonkod = +7-3953-xxx-xxx
 | Avtokod = 38. 85. 138
 | Aigvö = [[UTC]]+8 ([[MSK]]+5)
}}
'''Bratsk''' ({{lang-ru|Братск}}) om [[Venäma]]n lidn da lidnümbrik [[Irkutskan agj]]an keskuzpalan päivlaskmas. Se om agjan kahtenz' surtte lidn i koumanz' surtte lidnümbrik, mugažo [[Bratskan rajon]]an administrativine keskuz (ei mülü sihe).

== Istorii ==
Enzne ''Bratskan lidnuz'' ({{lang-ru|Братский острог}}) oli tetab vspäi 1631 Padunan kos'kenno Angar-jogen randal, alištui [[Jeniseisk]]an lidnusele. Vl 1954 [[NSTÜ|nevondkundaline]] tobmuz päti sauda [[Bratskan GES|järedad gidroelektrostancijad]] kos'ken rajonas, i sirtihe enamba sadad eländpunktoid täutmaha vezivaradint, sidä kesken Bratsk-žilod-ki. Nügüdläižen eländpunktan aluz om pandud vn 1955 12. päiväl tal'vkud radnikžiloiden ühtištusel, nimitihe rajonan ''Bratsk''-žilo-keskusen mödhe. Lidnan rajonad oma erigoittud taigmecan saril tähäsai.

Vll 1954−1961 saudihe padoseinäd da GES:ad, vozil 1961−1967 pästtihe töhö GES:an agregatoid da täuttihe [[Bratskan vezivaradim|Bratskan vezivaradint]] (169 km³, kahtenz' surtte mail'mas). Bratsk šingotase äisarakoižeks keskuseks, energetikal i alüminijantegimel, mecan ümbriradmižel.

Bratsk šingotase elektroenergetikal, [[alüminii|alüminijantegimel]], raudühthesuladusiden tegimel, cellülozbumagaižel tegimištol, sauvondmaterialiden edheotandoil (pilindmaterialad, [[faner]], raudbeton, metalližkonstrukcijad, keradajad pertid) i sömtegimištol (leib, jomižed), mugažo lämbituzmašiništon edheotand radab.

== Geografijan andmused ==
Lidn sijadase [[Angar (jogi)|Angar-jogen]] Bratskan i [[Ust'-Ilimskan vezivaradim|Ust'-Ilimskan]] vezivaradimiden randoil, 296..618 m korktusil, 450 m ü.m.t. keskmäižel korktusel.

Matkad [[Irkutsk]]hasai om 460 km suvhe-suvipäivnouzmha orhal, 618 km avtotedme vai 983 km raudtedme. Lähembaine lidn om [[Vihorevk]] 10 km päivlaskmha orhal Bratskan röunaspäi, 43 km avtotedme (lidnan keskusespäi) vai 30 km raudtedme (''Bratsk''-stancijaspäi).

Klimat om terav kontinentaline kuivahk vilunke tal'venke. Voden keskmäine lämuz om −2,0 C°, kezakun-elokun +14,6..+18,0 C°, tal'vkun-uhokun −20,0..−22,7 C°. Ekstremumad oma −50,9 C° (tal'vku, viluku) i +36,1 C° (kezaku). Kezaaigan minimum om −5,2 C° (kezaku), tal'vaigan maksimum om +7,4 C° (uhoku). Ei voi panda halad heinkus vaiše (minimum +1,5 C°). Paneb sadegid 369 mm vodes, enamba heinkus-elokus (67..72 mm kus), vähemba vilukus-sulakus (10..16 mm kus).

== Tobmuz ==
[[Fail:Районы Братска.png|thumb|left|200px|Bratskan administrativižed rajonad: (vn 2017 kart)<br />{{legend|orange|Padunan rajon}} {{legend|yellow|Oigedrandaline rajon}} {{legend|fuchsia|Keskuzrajon}}]]
Bratsk om lidnümbrikon üks'jäižeks eländpunktaks. Lidnan koume rajonad ei olgoi municipaližikš ühtnikoikš, no eriližed administrativižed komitetad ohjatas niil.

Lidnümbrikon tobmuden pämez' om sen Administracijan pämez'. Lidnan Duman ezimez' om Larisa Pavlova vn 2014 redukuspäi.

== Eläjad ==
Vn 2010 Venäman rahvahanlugemižen mödhe eläjiden lugu oli 246 319 ristitud. Kaik 231 602 eläjad oli lidnas vl 2017. Kaikiš suremb lidnan ristitišt oli 289 tuhad eläjid vll 1991−1993, se poleni eländpunktoiden erištundan tagut.

Bratskan valdkundaline universitet<ref>[http://brstu.ru/ Bratskan valdkundaline universitetan sait (''brstu.ru'').] {{ref-ru}} {{ref-en}}</ref> (alusenpanend 1957, nügüdläine nimituz vspäi 2004, kuz' fakul'tetad, kaks' kolledžad, 5,7 tuh. üläopenikoid), nell' tehnikumad i viž kolledžad oma lidnan professionaližen opendusen aluzkundoikš.

== Transport ==
Avtobusad, trolleibusad da taksid oma kundaližeks transportaks lidnas, mugažo jogistancii radab kezaaigan. Avtoümbärte mäneb lidnan päivlaskmaižen i pohjoižen röunanno.

Rahvahidenkeskeine soda- da civiline Bratsk-lendimport<ref>[http://aerobratsk.ru/ Bratsk-lendimportan sait (''aerobratsk.ru'').] {{ref-ru}} {{ref-en}}</ref> (''BTK / UIBB / БРС'', 123 tuh. passažiroid vl 2018) sijadase Bratskan rajonan territorijal, koumes kilometras pohjoižröunaspäi. Tehtas reisid Venäman lähembaižihe järedoihe lidnoihe i Moskvha.

== Galerei ==
<gallery mode="packed" heights="125px">
Братск. Здание городской Думы.jpg|Lidnan Duman i administracijan sauvuz (2017)
Памятник Наймушину ночь.jpg|Muštnik Ivan Naimušinale (GES:an ezmäine pämez')
ОСЗ.jpg|Ph. Mikoi-arhangelan jumalanpert' Angaran küläs, vn 2016 nägu
Bratsk Aluminium Smelter 2.jpg|Bratskan alüminijantegim vl 2017 ([[RUSAL]] Bratsk)
Bratsk Hydroelectric Power Station in october.jpg|Bratskan gidroelektrostancijan padosein vl 2012, nägunke Energetik-mikrorajonha
30 г. Братск. Диабазовый карьер неподалёку от ГЭС.jpg|Diabazkar'jer läz GES:ad vl 2005
Братский государственный университет.jpg|Bratskan valdkundaline universitet, 3. korpus (2010)
Bratsk, Irkutsk Oblast, Russia - panoramio (19).jpg|Čomamahtoiden pert'kulu (2010)
Братский драматический театр.jpg|Bratskan dramteatr (2017)
Bratsk Airport (1).jpg|''Bratsk''-lendimportan sauvuz vl 2012
</gallery>

== Homaičendad ==
<references />

== Irdkosketused ==
* [http://dumabratsk.ru/ Lidnan Duman oficialine sait (''dumabratsk.ru'').] {{ref-ru}}
* [http://bratsk-city.ru/ Lidnan Administracijan oficialine sait (''bratsk-city.ru'').] {{ref-ru}}
{{Commons|Category:Bratsk}}

{{Irkutskan agjan lidnad}}

[[Kategorii:Bratsk| ]]
[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Irkutskan agjan lidnad]]
[[Kategorii:Irkutskan agjan lidnümbrikod]]
[[Kategorii:Bratskan rajon|*]]