Kacu tekst Detroit

{{10000}}{{A10000}}
{{Eländpunkt
 | Nimi = Detroit
 | Lidnanznam = Seal of Detroit (B&W).svg
 | Flag = Flag of Detroit.svg
 | Lidnanznam text = Detroitan lidnanznam
 | Flag text = Detroitan flag
 | Valdkund = Amerikan Ühtenzoittud Valdkundad
 | Eläjiden lugu = 639,111
 | Voz' = 2020
 | Pind = 370.09
 | Fail = Detroit Montage.jpg
 | Pämez' = Maik Daggan<br/>(viluku 2014—,<br/>''Mike Duggan'')
 | Telefonkod = +1-313
 | Aigvö = tal'vel [[UTC]]−5,<br />kezal [[UTC]]−4
}}
'''Detroit''' (mugažo [[anglijan kel'|anglijan kelel]] [dɨˈtrɔɪt] — [[francijan kel'|francijan kelen]] ''détroit'' [deˈtʀwa] sanaspäi «sal'm, kaidelmaz») om [[Amerikan Ühtenzoittud Valdkundad|AÜV:oiden]] lidn pohjoižes [[Mičigan]]-štatas, sen kaikiš suremb lidn i ičeze ezilidnoidenke mugažo, sijadase [[Kanad]]an röunanno. Om Uein-ümbrikon administrativižeks keskuseks.

Lidn ičeze ezilidnoidenke om Pohjoižen Amerikan [[avtotegimišt]]on keskuz tähäsai.

== Istorii ==
Vn 1701 24. päiväl heinkud francine Antuan Lome-matkadai De Kadillak-ser pani lidnan alusen faktorijaks torguimha karvoil [[indejalaižed|indejalaižidenke]], i vhesai 1796 Detroit oli [[Kanad]]an lidnuden. Vl 1805 eländpunktan tobj pala paloi, sikš miše äjad pertid oliba pumaterialaspäi. Jäl'ghižel vodel Detroit-žilo sai lidnan statusad. Vozil 1805−1847 Detroit oli [[Mičigan]]-štatan pälidnaks.

Vn 2014 11. päiväl tal'vkud lidn päzui satusekahašti [[bankrotnend]]an proceduras läbi.

== Geografijan andmused ==
[[Fail:Detroitareamap.gif|thumb|left|250px|Lidnan rajoniden kart (''areas'', 2012)]]
Lidn sijadase [[Detroit (jogi)|ühtennimižen kaidelmasen]] oiktal randal 174..206 metrad korktusil, 200 m ü.m.t. keskmäižel korktusel. Se seižub kanadižen [[Uinsor (Ontario)|Uinsor]]-lidnan kohtas, lidnad ühtenzoittas Ambassador-sildal da kahtel tonnelil. Detroit-kaidelmaz jokseb [[Sent Kler (Sured järved)|Sent Kler]]-järvespäi [[Eri (järv)|Eri]]-järvhe, pol'tel [[Sured järved|Suriš järvišpäi]] [[Ph. Lavrentijan jogi|Ph. Lavrentijan jogehe]]. Detroitan ühthine pind om 370,09 nellikkilometrad, sidä kesken vezi otab 10,78 km².

Klimat om [[ven vö|ven]] kontinentaline Suriden järviden valatoitusenke, tal'v om pehmed, keza om pit'k da läm'. Voden keskmäine lämuz om +10,3 C°, kezakun-elokun +21,1..+23,4 C°, tal'vkun-uhokun −0,4..−3,4 C°. Ekstremumad oma −29 C° (viluku, uhoku) i +41 C° (heinku). Kezaaigan minimum om +2 C° (kezaku), tal'vaigan maksimum om +21 C° (tal'vku, uhoku). Paneb sadegid 872 mm vodes, enamba sulakus-sügüz'kus (82..94 mm kus), vähemba tal'vkus-uhokus (53..57 mm kus). Paneb 114 sm lunt tal'ves. Keskmäine relätivine nepsuz vajehtase 65..77 % röunoiš voden aigan.

== Tobmuz ==
Detroit jagase kahesaks rajonaks ({{lang-en|area}}), ned — lidnanlaptoikš (''neighborhood'').

Edeline lidnan pämez' (mer) om Deiv Bing (''Dave Bing'', semendku 2009 — tal'vku 2013).

== Eläjad ==
Vl 2010 lidnan eläjiden lugu oli 713 777 ristitud, sen polenduz jätktase. Kaikiš suremb lidnan ristitišt oli 1 849 568 eläjad vl 1950, sid' ristitud zavodiba sirta ezilidnoihe massižikš, teravamba 1970-nziden voziden lopus, i Detroit kadoti millionnikan statusad 1990-nzil vozil. Lidnan aglomeracii otab nell'toštkümnenden sijan AÜV:oiš ristitišton lugun mödhe, kaik 4,3 mln eläjid oli siš vll 2017 i 2020 10 071 km² pindal.

== Ižanduz ==
Suren Detroitan [[kogosüdäiprodukt]] om 197,7 bln US$ (vl 2010).

Mail'man [[avto]]tegijoiden kompanijoiden päfaterad sijadasoiš Detroitas (amerikaine «Sur' Koumnik»): [[Dženeral Motors]] kompanijan Renessans-päfater («Udessündund») da üks' tegim lidnas, [[Ford]] tegimidenke — suvipäivlaskmaižes [[Dirborn (Mičigan)|Dirborn]]-ezilidnas, [[Kraisler]]an päfater — lodehližes [[Obern Hils]]-ezilidnas.

== Transport ==
Detroit om znamasine rahvahidenkeskeine transporttesol'm. Jogiport radab Kanadas, avtotonnel' i raudtetonnel' ühtenzoittas Kanadan Uinsor-lidnanke, niiden ližaks sild linneb vaumiž vodele 2024.

Avtotegijoiden lobbiruind ostmaha avtoid veihe sihe azjaha, miše kundaline transport ei olend šingotadud lidnas hätken aigan. Avtobusoiden maršrutad ratas lidnas i ezilidnoiš, pandud seibhil raudten kiruhtranzit 4,7 kilometrad pitte ajab Detroitan keskuzpalaspäi vspäi 1987, tramvain jono (''QLine'' 5,3 km pitte, 20 seižutest) om töhöpästtud vl 2017.

Rahvahidenkeskeine civiline ''Detroitan aglomeracijan Uein-ümbrikon'' lendimport<ref>[http://metroairport.com/ Rahvahidenkeskeižen Detroit-lendimportan sait (''metroairport.com'').] {{ref-en}} {{ref-es}} {{ref-fr}} {{ref-de}} {{ref-ko}} {{ref-zh}} {{ref-ja}} {{ref-ar}}</ref> (''DTW / KDTW'', 36,7 mln passažiroid vl 2019, 230 tuhad tonnoid jüguid vl 2018) sijadase päivlaskmaižes Romjulus-ezilidnas. Tehtas reisid AÜV:oiden, Kanadan i Meksikan järedoihe lidnoihe, Päivnouzmaižen Azijan i Päivlaskmaižen Evropan pälidnoihe, Saksanman toižihe lidnoihe (Frankfurt, Münhen).

== Galerei ==
<gallery mode="packed" heights="125px">
Guardian Building, Griswold Street, Detroit, MI - 53026480077.jpg|Üläkorged ''Guardian Building''-sauvuz Detroitan finansižes rajonas om Uein-ümbrikon tobmuden sijaduz da ičezkalu (2022)
Saint Joseph Catholic Church (Detroit, MI) - exterior, quarter view.jpg|Riman katoline Pühän Iosifan pühäpert', vn 2013 nägu
Aerial View of Downtown Detroit and Rennaissance Center.jpg|Detroitan finansine rajon vl 2008
Education Building Wayne State Univ A.JPG|Ueinan valdkundaližen universitetan openduzkorpus (2010)
DIME building exterior.jpg|Detroitan muzikopendusen institut (''DIME'', 2014)
Detroit December 2019 14 (Fox Theatre).jpg|''Fox''-teatr lidnan keskuzpalas (2019)
Detroit December 2021 32 (Detroit station).jpg|''Detroit''-päraudtestancijan sauvuz vl 2021
</gallery>

== Homaičendad ==
<references />

== Irdkosketused ==
* [http://www.detroitmi.gov/ Lidnan ohjastusen oficialine portal (''detroitmi.gov'').] {{ref-en}} {{ref-es}} {{ref-bn}} {{ref-ar}}
{{Commons|Detroit}}

{{AÜV:oiden järedad lidnad}}

[[Kategorii:Detroit| ]]
[[Kategorii:Amerikan Ühtenzoittud Valdkundoiden lidnad]]
[[Kategorii:Eländpunktad kirjamišton mödhe]]
[[Kategorii:Mičiganan lidnad]]