Kacu tekst Dzeržinskii (lidn)

{{Eländpunkt
 | Nimi = Dzeržinskii<br />Дзержинский
 | Lidnanznam = Coat of Arms of Dzerzhinsky (Moscow oblast).png
 | Flag = Flag of Dzerzhinsky (Moscow oblast).png
 | Lidnanznam text = Dzeržinskijan lidnanznam
 | Flag text = Dzeržinskijan flag
 | Valdkund = Venäma
 | Eläjiden lugu = 57,700
 | Voz' = 2023
 | Pind = 15.66
 | Fail = Dzerzhinsky, Moscow Oblast, Russia - panoramio (210).jpg
 | Pämez' = Andronik Pak<br/>(uhoku 2024—)
 | Telefonkod = +7-495-xxx-xx-xx
 | Avtokod = 50. 90. 150. 190. 750
 | Aigvö = [[UTC]]+3 ([[MSK]]+0)
}}
'''Dzeržinskii''' ({{lang-ru|Дзержи́нский}}) om [[Venäma]]n lidn da lidnümbrik [[Moskvan agj]]an keskuzpalan suvipäivnouzmas. Se om [[Moskv]]an suvipäivnouzmaine ezilidn.

== Istorii ==
[[Dmitrii Donskoi]] pani eländpunktan alust Ph. Mikulain Ugrešalaižen jumalankodikš vl 1380 [[Kulikovon tora]]n lopun oiktastuseks, se om vahvištoittud kirjutadud purtkiš. Jumalankodi oli sauptud 1920-nzil vozil, armotomiden lapsiden kommun [[Feliks Dzeržinskii|Feliks Dzeržinskijan]] nimed ({{lang-ru|Коммуна имени Дзержинского}}) eli sen sauvusiš. Vl 1938 kätihe žilod lidnanvuiččeks. Saudihe lämuzelektrokeskust nomer 22 vspäi 1956. Žilo sai lidnan statusad vl 1981, mülüi Lübercin rajonha vhesai 1996.

Dzeržinskii šingotase LEK:al-22 (elektruz i lämuz) i energetižen sauvondal kompanijal, Kaksitadud tehnologijoiden federaližel «Sojuz»-keskusel (raketad i tehnologijad), turizmal, mugažo avtoiden utilizacijan tegim radab lidnas.

== Geografijan andmused ==
Lidn sijadase [[Moskv (jogi)|Moskv]]-jogen hural randal, 160 m ü.m.t. keskmäižel korktusel. Röunatab [[Moskv]]anke lodehes, se om Kapotn'-rajon Moskvan kivivoinümbriradajanke tegimenke, [[Moskvan rengazavtote]] om röunaks. Toižed lähembaižed lidnad oma [[Kotel'niki]] ani pohjoižhe, [[Lüberci]] (passažirine raudtestancii) nell' kilometrad pohjoižhe-pohjoižpäivnouzmha, [[Litkarino]] üks' kilometr suvipäivnouzmha. Tomilinon puišton pala uitoidenke om lidnan pohjoižes.

Janičkino-raudtestancijan ližated oma olmas lidnas «Lüberci — Dzeržinskii»-raudtesarakol, ned oma vaiše jüguiden täht. Vll 1946−1997 ''Dzeržinskai''-raudtestancii ({{lang-ru|Дзержинская}}) radoi lidnas passažirlikundanke. Raudtestancii, platform i teiden pala oma likvidiruidud. Jogivaldmad Moskv-jogel oma turistlaivoiden täht.

== Tobmuz ==
Dzeržinskii om lidnümbrikon üks'jäižeks eländpunktaks.

Lidnümbrikon tobmuden pämez' om sen Administracijan pämez'. Edeližed lidnümbrikon pämehed oma Vladimir Šeluhin (semendku 2022 — viluku 2024), Sergei Budkin (semendku 2021 — semendku 2022), Lüdmila Ivanova (keväz'ku 2019 — semendku 2021). Lidnümbrikon Deputatoiden nevondkundan ezimez' om Irina Šuvalova vn 2019 sügüz'kuspäi. Deputatoiden i Administracijan pämehen valdatusiden strok om viž vot.

== Eläjad ==
Vl 1939 žilon ristitišt oli 7 649 eläjad, vl 1959 — 15 354 eläjad. Vn 2010 Venäman rahvahanlugemižen mödhe lidnan eläjiden lugu oli 47 163 ristutud, vn 2021 — 57 918 ristitud, se ristitišt oli kaikiš suremb. Kaik 54 788 eläjad oli lidnas vl 2017.

Rahvahad (2010): [[venälaižed]] — 92,6 %, [[ukrainalaižed]] — 2,1 %, [[totarlaižed]] — 1,0 %, toižed rahvahad — 4,3 %.

[[Ortodoksine hristanuskond|Ortodoksižen hristanuskondan]] 18 pühäpertid<ref>[http://sobory.ru/geo/locat/355 Dzeržinskijan pühäpertid ''sobory.ru''-saital.] {{ref-ru}}</ref> oma saudud lidnas: ph. Mikulai Ugrešalaižen jumalankodi (kaks' päjumalanpertid, ühesa jumalanpertid, koume časounäd), koume jumalanpertid i časoun'.

Lapsiden opendusen aluzkundad oma severz'-se päivkodid, kuz' keskškolad, muzikškol, čomamahtoiden škol. [[Lüberci]]n tehnikuman korpus<ref>[http://luberteh.ru/ugresha-korpus.htm Korpus Dzeržinskii-lidnas Lübercin tehnikuman ''luberteh.ru''-saital.] {{ref-ru}} {{ref-en}}</ref> om lidnan professionaližen opendusen aluzkundaks. «Dubn»-universitetan lähembaine filial radab [[Kotel'niki]]-lidnas, ende aluzkundan filial radoi Dzeržinskijas.

== Galerei ==
<gallery mode="packed" heights="125px">
Дмитрий Донской - panoramio.jpg|[[Dmitrii Donskoi]]n muštnik (2009)
Николо-Угрешский монастырь с воздуха 2.jpg|Ph. Mikulai Ugrešalaižen jumalankodi Spasan Toižetamižen päjumalanpertinke, vn 2014 nägu
ФЦДТ «Союз» (Дзержинский).jpg|Kaksitadud tehnologijoiden federaline «Sojuz»-keskuz vl 2018
Dzerzhinsky, Moscow Oblast, Russia - panoramio (145).jpg|Torguindkeskuz (2011)
Big Dzerzhinsky Career.jpg|Sur' Dzeržinskijan kar'jer, nägu lidnan randirdaspäi vn 2021 kezakus
</gallery>

== Homaičendad ==
<references />

== Irdkosketused ==
* [http://dzr.mosreg.ru/ Lidnümbrikon tobmuden sait (''dzr.mosreg.ru'').] {{ref-ru}}
{{Commons|Category:Dzerzhinsky, Moscow Oblast}}

{{Moskvan agjan lidnad}}

[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Moskvan agjan lidnad]]
[[Kategorii:Moskvan agjan lidnümbrikod]]