Kacu tekst Fukuok

{{A10000}}
{{Eländpunkt
 | Nimi = Fukuok<br />福岡市<br /><small>''(Fukuoka-si)''</small>
 | Lidnanznam = Emblem of Fukuoka, Fukuoka.svg
 | Flag = Flag of Fukuoka, Fukuoka.svg
 | Lidnanznam text = Fukuokan lidnanznam
 | Flag text = Fukuokan flag
 | Valdkund = Japonii
 | Eläjiden lugu = 1,602,927
 | Voz' = 2020-08-01
 | Pind = 343.39
 | Fail = Fukuoka City - Montage - 01.JPG
 | Pämez' = Soičiro Takašima<br />(tal'vku 2010—,<br />高島 宗一郎<br />''Takashima Sōichirō'')
 | Telefonkod = +81-(0)92
 | Aigvö = [[UTC]]+9
}}
'''Fukuok''', oficialižikš '''Fukuok-lidn''' ([[japonan kel'|japonan kelel]]: 福岡市 [ɸɯ̥kɯokaꜜɕi], vepsän kirjamil: ''Fukuoka-si'') om [[Japonii|Japonijan]] lidn da port [[Japonijan meri|Japonijan meren]] suvipäivlaskmaižel randal (sijaline Genkai-meri). Se om valdkundan kahesanz' lidn eläjiden lugun mödhe, [[Fukuokan prefektur]]an administrativine keskuz. [[Küšü]]-saren kaikiš suremb lidn, toine om lähine [[Kitaküšü]]-lidn, miččenke sädab lidnaglomeracijad.

== Istorii ==
Na-port ({{lang-ja|那ノ津}}, 儺ノ津, なのつ) radoi nügüdläižen lidnan territorijal 6. voz'sadaspäi. Se oli «verajaks kontinentha», vedihe torguindad Kitainke i Korejanke, oigetihe sur'oigenuzid da torgovanoid. Nimitaškanzihe tahod ''Hakat:aks'' 11. voz'sadaspäi. Kaks'kümnekilometrine sein kaks'-koume metrad kortte oli saudud mererandal vll 1276−1277 mongoližen londan jäl'ghe, rušihe vaiše 1930-nzil vozil. Hakat-nimituz om kaičenus raudtestancijan i portan nimes, lidnrajonas, kelen paginas.

Vl 1601 Kuroda-heimon pämez' sauvoi lidnust i nimiti sidä Fukuok:aks heimon kodiman mödhe Bidzen-agjas (nüg. [[Okajaman prefektur]]as). Vl 1889 lidn sai oficiališt statusad Fukuok-nimenke, sil-žo vodel raudte tuli lidnha. Panihe lidnha Küšü-regionan ohjandusen aluzkundad 1930-nzil vozil, hot' Fukuok oli penemb mi [[Nagasaki]] i [[Kumamoto]]. Jagatihe lidnad seičemeks rajonaks vl 1972.

Fukuok šingotase Hakat-meriportal, holitišiden sferal, üläopendusen keskuseks (Küšün universitet, Fukuokan naižuniversitet, seičeme privatišt universitetad, kahesa profkolledžad). Peniden kompanijoiden äjuz abutab korporacijoile logistikan i korktoiden tehnologijoiden sferas. Jüged tegimišt radab lähižen Kitaküšü-lidnan ümbrištos. Fukuok om satusekahan rahvahidenkeskeižen mahtusen kodvindsija toižen Japonijan täht.

== Geografijan andmused ==
[[Fail:Wards of Fukuoka City Japan.png|thumb|left|250px|Fukuokan administrativižed rajonad]]
Lidn sijadase [[Küšü]]-saren pohjoižrandal, om ümbärtud korktoil mägil. Naka-jogi (''Nakagava'') jagab lidnan kahteks palaks: Hakat (torguindrajon) i Fukuok (administrativine i azjaline pala). Matkad [[Tokio]]hosai om 1100 km päivnouzmha-pohjoižpäivnouzmha.

Klimat om valdmeren [[subtropine vö|subtropine]] neps. Heinkun da elokun keskmäine lämuz om +27..+28 C°, vilukun da uhokun — +7 C°. Voden keskmäine lämuz om +17 C°. Paneb sadegid 1620 mm vodes, sidä kesken enamba semendkus-sügüz'kus (144..280 mm kus). Tal'vkul-uhokul paneb 60..70 mm kus. Hala i lumi oleskeldas tal'vel lujas harvoin, absolütine minimum om −8,2 C°.

Fukuok-lidn jagase seičemeks administrativižeks rajonaks ({{lang-ja|区}} ''ku''). Tüo-rajon (''中央区'', sinine) om administrativižeks keskuseks.

== Eläjad ==
Vl 1975 lidnan ristitišt ületi millionad. Vl 2005 lidnan eläjiden lugu oli 1 401 279 ristitud. Kaikiš suremb ristitišt om nügüd'. Verazmalaižiden lugumär ližadub teravamb mi Tokios eskai.

== Transport ==
Avtobusad da ezilidnelektrojonused oma kundaližeks transportaks lidnan südäimes. Vspäi 1981 metro radab lidnas (vspäi 2005 om koume jonod, 35 stancijad, 30 km ted). Hakat-stancii (om saudud tošti vodele 2011) sijadase Hakat-rajonas, se om augstancijaks «[[Sanjo Sinkansen]]»- i «[[Küšü Sinkansen]]»-kiruhraudteiden täht. Ehtatimed ühtenzoittas meriportad Korejan [[Pusan]]-lidnan portanke.

Rahvahidenkeskeine soda- da civiline Fukuok-lendimport (''FUK'', 21 mln passažiroid vl 2015) sijadase ani päivnouzmha Hakat-raudtestancijaspäi. Lendimportaspäi tehtas reisid Azijan äjihe surihe lidnoihe, AÜV:oihe ([[Guam]], [[Gonolulu]]), tehtas sezonreisid [[Hel'sinki]]he, mugažo Japonijadme.

== Homaičendad ==
<references />

== Irdkosketused ==
* [http://www.city.fukuoka.lg.jp/ Lidnan ohjastusen oficialine sait (''city.fukuoka.lg.jp'').] {{ref-ja}} {{ref-en}} {{ref-zh}} {{ref-ko}}
{{Commons|Fukuoka, Fukuoka}}

[[Kategorii:Fukuok| ]]
[[Kategorii:Japonijan lidnad]]
[[Kategorii:Eländpunktad kirjamišton mödhe]]
[[Kategorii:Fukuokan prefektur|*]]