Kacu tekst Gannover

{{10000}}
{{Eländpunkt
 | Nimi = Gannover<br />Hannover
 | Lidnanznam = Coat of arms of Hannover.svg
 | Flag = Flagge Hannover.svg
 | Lidnanznam text = Gannoveran lidnanznam
 | Flag text = Gannoveran flag
 | Valdkund = Saksanma
 | Eläjiden lugu = 545,045
 | Voz' = 2023
 | Pind = 204.01
 | Fail = Luftbild Hannover Rathaus.JPG
 | Pämez' = Belit Onai<br/>(kül'mku 2019—,<br/>''Belit Onay'')
 | Telefonkod = +49-511
 | Aigvö = tal'vel [[UTC]]+1,<br />kezal [[UTC]]+2
}}
'''Gannover''' ({{lang-de|Hannover}} [haˈnoːfɐ]) om [[Saksanma]]n lidn valdkundan pohjoižpalan keskuses. Se om [[Alasaksonii]]-federacijanman pälidn, sur' raudtesol'm [[Berlin]] — [[Amsterdam]] da [[Gamburg]] — [[Münhen]] raudteil.

Mail'man tegimišton jogavoččed jarmankad oleldas «Messegelände»-kompleksas: ozutesikš, ''Hannover Messe'' da ''CeBIT''.

== Istorii ==
10. voz'sadal saudihe ezmäižid pertid Am-Hoen-Ufer-randirdas (saks. ''Am Hohen Ufer''), sišpäi lidnan nimi sündui. Eländpunkt mainitase ezmäižen kerdan vl 1150. Gannover sai lidnan oiktusid vl 1241.

Vl 1826 kävutaškanzihe [[pidatuzgaz]]ad irdoiden täht, ezmäižeks kontinentaližes Evropas. Vl 1843 raudte tuli lidnha. Vl 1887 Emil' Berlinger sädi ezmäšt [[grammofon]]ad arni neciš lidnas. Vl 1902 ezmäine mail'mas ičelikui lämoipaloavto zavodi radod Gannoveras. Germanijan ezmäine [[konvejer]] oli saudud Bal'zen-kompanijan kontiterižes fabrikas vl 1905. Vn 2000 [[Mail'man ozutelend|EXPO]]-ozutelend mäni Gannoveras.

Gannover šingotase [[Volkswagen]]-koncernan järedal tegimel i alusenpandud lidnha [[Continental AG]]-kompanijal (šinad, avtopalad), kulundladimiden [[Sennheiser]]-edheotandal, TUI AG-turoperatoral, Saksanman raudtel i [[DHL]]-kompanijan palakundal, medicinižil holitišil, varmitesen kompanijoil.

== Geografijan andmused ==
Lidn sijadase [[Laine (jogi)|Laine]]-jogen randoil. Gannoveran keskuzpala seižub 55 m ü.m.t. keskmäižel korktusel. Kaikiš korktemb čokkoim om Kronsberg-kukkaz (118 m).

Klimat om [[Atlantine valdmeri|Atlantižen valdmeren]]. Voden keskmäine lämuz om +10,0 C°, kezakun-elokun +16,6..+18,7 C°, tal'vkun-uhokun +2,1..+3,0 C°. Ekstremumad oma −24,8 C° (viluku, uhoku) i +39,2 C° (heinku). Paneb sadegid 627 mm vodes, läz tazomäras kuidme, enamba heinkus-elokus (65..68 mm kus).

== Tobmuz ==
[[Fail:Stadtbezirke in Hannover.svg|thumb|left|250px|Lidnan rajonad (2020)]]
Gannover jagase 13 nimitadud administrativižeks rajonaks ({{lang-de|Stadtbezirk}}), ned alajagasoiš 53 nimitadud fartalaks (''Stadtteil'').

Edeline lidnan pämez' om Štefan Šostok (''Stefan Schostok'', reduku 2013 — semendku 2019).

== Eläjad ==
Vl 2013 kaik 518 098 ristitud elihe lidnas, vn 2019 lopus — 536 925 ristitud. Kaikiš suremb lidnan ristitišt oli 574 481 eläjad vl 1961. Läz 1,16 mln ristituid elädas lidnaglomeracijas (2019).

== Transport ==
Kiruhtramvai (167 km ted, sidä kesken 20 km manalašt), avtobusad da raudte (saks. ''S-Bahn'') oma kundaližeks transportaks lidnas.

Keskmäižgermanine kanal ühtenzoitab Laine- da [[Rein]]-jogid. Se om jügulaivoiden täht.

Rahahidenkeskeine civiline ''Gannover-Langenhagen''-lendimport (''HAJ'') sijadase üks'toštkümnes kilometras pohjoižhe lidnan keskuzpalaspäi. Sišpäi tehtas reisid Evropan, Azijan maihe da Saksanman südäimes, mugažo čarterreisid lebutahoiže.
[[Fail:Hannover Panorama2.jpg|thumb|center|1000px|<center>Lidnan keskuzpalan ühthine nägu</center>]]

== Homaičendad ==
<references />

== Irdkosketused ==
* [http://www.hannover.de/ Lidnan ohjastusen oficialine portal (''hannover.de'').] {{ref-de}} {{ref-en}} {{ref-fr}} {{ref-ru}} {{ref-et}} da tž.
{{Commons|Hannover}}

{{Saksanman federacijanmad}}

[[Kategorii:Gannover| ]]
[[Kategorii:Saksanman lidnad]]
[[Kategorii:Eländpunktad kirjamišton mödhe]]
[[Kategorii:Alasaksonii|*]]