Grenlandine kit

Grenlandine kit
Grenlandižed kitad veden al
Tedoklassifikacii
Valdkund: Živatad Tip: Sel'gjäntkeižed (Chordata) Klass: Imetaiživatad (Mammalia) Heimkund: Kitanšorpkabjaižed (Cetartiodactyla) Infraheimkund: Kitanvuiččed (Cetacea) Sugukund: Siledad kitad (Balaenidae) Heim: Grenlandižed kitad (Balaena Linnaeus, 1758) Erik: Grenlandine kit
Latinankel'ne nimi
Balaena mysticetus Linnaeus, 1758
Areal
kuivma      eländtahod
Sistematik Vikierikoiš Kuvad Vikiaitas ITIS 180533 NCBI 27602

Grenlandine kit vai polärine kit (latin.: Balaena mysticetus) om Kitanvuiččiden infraheimkundan levitadud meriživat. Balaena-heimon üks'jäine erik, mülüb Siledad kitad-sugukundha.

Leviganduz

Ned kitad elädas Pohjoižen mapoliškon viluiš polärižiš veziš kaiken elon, koume millionad vozid jo. Kaikiš suvižemb populäcii eläb Ohotskan meres 54 gradushasai pohjoižlevedust, kaclend vedase Šantarižiš sarišpäi. Živatan oiged kaclend om jüged ümbriston soraviden arvoimižiden tagut.

Erik kaičese vspäi 1935 ristitun mectust vaste. Nügüdläine populäcii om keskitadud Čukotkan, Beringan i Bofortan meriš tobjimalaz, lugumär ületab kümne tuhad eričuid.

Ümbrikirjutand

Grenlandižen kitan kaikiš suremb piduz om 18 m ižačuil i 20..22 m emäčuil, veduz — 75..100 tonnad i 150 tonnhasai.

Živatad sätas migracijoid suvhe sügüzel i pohjoižhe kevädel, ei navet'koi eläda jänke pindal. Äikerdoičemine zavodiše keväz'kezal. Kohtuz jätktase 13 kud, läz nell'metrine poigaine sündutase formiruidud razvšoidunke. Elon keskmäine hätkeližuz om nell'kümne vot, no püdihe ižačuid enamba mi sada vot igänke, i voib eläda kaks'sadaha vodhesai ezimeletaden. Se om kaikiš hätkemba eläjiš imetaiživatoišpäi, ühtes rives grenlandiženke Somniosus microcephalus-akulanke.

Kit čukloitelese 200 metrad süvüdehesai, voib jäda čuklos 40 minuthasai. Ujub läz 20 kilometrad časpigudenke keskmäras. Sötlese planktonal vaiše, üks' täuz'kaznu erič voib söda sidä 1,8 tonnhasai päiveses. Sötken otandan aigan kit ujub čuklos avaitud sunke, ištnus platoile plankton noletelese kelel da laindase. Fil'truindplatod oma henomb mi toižil kitoil.

Kacu mugažo

• Kitoiden allei