Kacu tekst Huttinen

{{Eländpunkt
 | Nimi = Huttinen<br />Huittinen <small>(suom.)</small><br />Vittis <small>(roč.)</small>
 | Lidnanznam = Huittisten.vaakuna.svg
 | Flag =
 | Lidnanznam text = Huttinenan lidnanznam
 | Flag text = Huttinenan flag
 | Valdkund = Suomenma
 | Eläjiden lugu = 9,560
 | Voz' = 2024
 | Pind = 539.55
 | Fail = Huittisten keskusta 2020.jpg
 | Pämez' = Viveka Lanne<br/>(eloku 2022—)
 | Telefonkod = +358-
 | Aigvö = tal'vel [[UTC]]+2,<br />kezal [[UTC]]+3
}}
[[Fail:Huittinen sijainti Suomi.svg|thumb|left|200px|Lidnankundan sijaduz agjas i valdkundas (2020)]]
'''Huttinen''' ({{lang-fi|Huittinen}}, {{lang-sv|Vittis}}, ročin vahtunu ''Hvittis'') om [[Suomenma]]n lidn da municipalitet valdkundan suvipäivlaskmas. Mülüb [[Sadakund]]-agjaha, sen videnz' lidnankund seičemespäi eläjiden lugun mödhe.

== Istorii ==
Eländpunkt mainitase kirjutadud purtkiš vspäi 1366. Municipalitetan aluz om pandud vl 1865. Kätihe municipalitetad lidnanvuiččeks ({{lang-fi|kauppala}}) vl 1972, anttihe lidnan statusad (''kaupunki'') vl 1977. Ühtištadihe Vampul-küläkundad ({{lang-fi|Vampula}}) senke vl 2009.

Huttinen šingotase «Saarioinen»-sömkombinatal i Jokisivun kaivudel ([[kuld]]an samine). Päivlaskmaižen Suomenman kolledž ({{lang-fi|Länsi Suomen Opisto}}) radab vspäi 1892, se om valdkundan kaikiš amuižemb suomenkel'ne opendusen aluzkund.

== Geografijan andmused ==
Lidn sijadase agjan suvipäivnouzmaižes čogas, [[Loimijogi|Loimijogen]] oiktal randal tobjimalaz ({{lang-fi|Loimijoki}} 114 km pitte) läz sen lanktendanno [[Kokemäenjogi|Kokemäenjogehe]] huralpäi.

Matkad agjan [[Pori]]-keskushesai om 59 km lodeheze orhal vai 64 km avtotedme, [[Hel'sinki]]-pälidnhasai om 166 km suvipäivnouzmha orhal vai 180 km avtotedme. Toižed lähembaižed lidnad (avtoteidme) oma [[Kokemägi]] 20 km päivlaskmha-lodeheze i [[Sastamal]] (Pirkanma) 25 km pohjoižpäivnouzmha.

Vn 2022 andmusiden mödhe lidnankundan pind om 539,55 km², sidä kesken kuivma — 532,61 km², vezi da sokaz tahond ottas kümnendest (6,94 km²).

== Tobmuz ==
Kaik läz 60 küläd alištudas municipalitetan tobmudele. Huttinenan municipaline suim kogoneb 35 ezitajaspäi.

Edeline lidnan pämez' om Jürki Peltomaa (''Jyrki Peltomaa'', 1999 — eloku 2022).

== Eläjad ==
Vl 1980 nügüdläižen lidnankundan territorijan eläjiden lugu oli 11 650 ristitud (kaikiš suremb ristitišt vspäi 1980), vl 2000 — 10 983 ristitud, vl 2010 — 10 663 ristitud, vl 2020 — 10 051 ristitud. Seičeme ristitud kümnespäi elädas lidnankundan keskuses, sen nimituz om Lauttakülä ({{lang-fi|Lauttakylä}}).

Kodikelen mödhe (2016): [[suomen kel']] — 96,5 %, [[ročin kel']] — 0,1 %, toižed keled — 3,4 %.

== Galerei ==
<gallery mode="packed" heights="125px">
Museum of Huittinen Jun2012 002.jpg|Lidnan muzei (2012)
Huittisten kirkko 2017.jpg|Huttinenan jumalanpert' (om saudud läz 1500. vot), vn 2017 nägu
Länsi-Suomen opisto.JPG|Päivlaskmaižen Suomenman kolledžan päsauvuz vl 2008
Huittisten Hullulenkki (01).jpg|Lihakompanijan lauk vl 2020
Bridge across Kokemäenjoki to Karhiniemi Huittinen Finland.jpg|Sild Kokemäenjoges päliči vl 2014 (om saudud vl 1987)
</gallery>

== Homaičendad ==
<references />

== Irdkosketused ==
* [http://www.huittinen.fi/ Lidnan ohjastusen sait (''huittinen.fi'').] {{ref-fi}} {{ref-en}}
{{Commons|Category:Huittinen}}

{{Suomenman lidnad}}

[[Kategorii:Suomenman lidnad]]
[[Kategorii:Eländpunktad kirjamišton mödhe]]
[[Kategorii:Sadakund]]