Huttinen
Lidnanznam![]() | |
Valdkund | Suomenma |
Eläjiden lugu (2020-01-01) | 10,051 ristitud |
Pind | 539,59 km² |
![]() | |
Pämez' | Jürki Peltomaa (1999—. Jyrki Peltomaa) |
Telefonkod | +358- |
Aigvö | tal'vel UTC+2, kezal UTC+3 |
Huttinen (suom.: Huittinen, roč.: Vittis, ročin vahtunu Hvittis) om Suomenman lidn da municipalitet valdkundan suvipäivlaskmas. Mülüb Sadakund-agjaha, sen videnz' lidnankund seičemespäi eläjiden lugun mödhe.
Istorii[redaktiruida | redaktiruida purde]
Eländpunkt mainitase kirjutadud purtkiš vspäi 1366. Municipalitetan aluz om pandud vl 1865. Kätihe municipalitetad lidnanvuiččeks (kauppala) vl 1972, anttihe lidnan statusad (kaupunki) vl 1977. Ühtištuihe Vampul-küläkundad (suom.: Vampula) senke vl 2009.
Huttinen šingotase «Saarioinen»-sömkombinatal i Jokisivun kaivudel (kuldan samine). Päivlaskmaižen Suomenman kolledž (suom.: Länsi Suomen Opisto) radab vspäi 1892, se om valdkundan kaikiš amuižemb suomenkel'ne opendusen aluzkund.
Geografijan andmused[redaktiruida | redaktiruida purde]
Lidn sijadase agjan suvipäivnouzmaižes čogas, Loimijogen oiktal randal tobjimalaz (suom.: Loimijoki 114 km pitte) läz sen lanktendanno Kokemäenjogehe huralpäi. Matkad agjan Pori-keskushesai om 59 km lodeheze orhal vai 64 km avtotedme, Hel'sinki-pälidnhasai om 166 km suvipäivnouzmha orhal vai 180 km avtotedme. Toižed lähembaižed lidnad (avtoteidme) oma Kokemägi 20 km päivlaskmha-lodeheze i Sastamal (Pirkanma) 25 km pohjoižpäivnouzmha.
Vl 2020 lidnankundan pind — 539,59 km², sidä kesken kuivma 532,64 km², vezi da sokaz tahond ottas kümnendest (6,95 km²).
Kaik läz 60 küläd alištudas municipalitetan tobmudele. Siš om 27 valičendtarhad.
Eläjad[redaktiruida | redaktiruida purde]
Vl 1980 eläjiden lugu oli 11 650 ristitud (kaikiš suremb ristitišt vspäi 1980), vl 2010 — 10 663 ristitud. Seičeme ristitud kümnespäi elädas lidnankundan keskuses, sen nimituz om Lauttakülä (suom.: Lauttakylä).
Kodikelen mödhe (2016): suomen kel' — 96,5%, ročin kel' — 0,1%, toižed keled — 3,4%.
Galerei[redaktiruida | redaktiruida purde]
-
Lidnan muzei
-
Huttinenan jumalanpert'
(om saudud läz 1500. vot,
vn 2017 nägu) -
Päivlaskmaižen Suomenman kolledžan päsauvuz vl 2008
-
Lihakompanijan lauk
-
Sild Kokemäenjoges päliči
(2014, om saudud vl 1987)
Homaičendad[redaktiruida | redaktiruida purde]
Irdkosketused[redaktiruida | redaktiruida purde]
- Lidnan ohjastusen sait (huittinen.fi). (suom.) (angl.)
![]() |
Huttinen Vikiaitas |