Hämenlidn

Hämenlidn
Hämeenlinna (suom.)
Tavastehus (roč.)
	Lidnanznam;
Valdkund	Suomenma
Eläjiden lugu (2024)	68,296 ristitud
Pind	2,031,57 km²
Pämez'	Olli-Poika Parviainen; (eloku 2021—)
Telefonkod	+358-(0)3
Aigvö	tal'vel UTC+2,; kezal UTC+3

Hämenlidn (suom.: Hämeenlinna, roč.: Tavastehus) om lidn Suomenman suves, Kanta-Häme-provincijan administrativine keskuz. Se om valdkundan nellänz'toštkümnenz' lidn eläjiden lugun mödhe.

Istorii

Eländpunktan aluz om pandud vl 1249 kuti Kronoborg (Tavastborg)-zamk (nügüd' Häme-lidnuz), se sai lidnan oiktusid vl 1639.

Vspäi 2009 lidnan ristitišt ližadui pol'tošt kerdad, sikš miše ühtištadihe vit lähišt kundad lidnanke, sidä kesken Renko-lidnankund.

Hämenlidn šingotase metallkonstrukcijoiden tegimel (Rautaruukki Corporation), pakuitesen tegimel (Huhtamäki Oyj), sodaavtoiden pästandal (Patria) i libutimiden firmal (Konecranes Oyj), mugažo valdkundan da opendusen aluzkundoil.

Geografijan andmused

Lidn om saudud peniš järviš ümbri, lodehline agj sijadase Vanajavesi-järven (150 km²) päivnouzmaižel randal.

Hel'sinki — Tampereh avtote läbitab lidnan territorijad. Matkad Hel'sinkihesai om 98 km, Tamperehesai — 75 km.

Vn 2022 andmusiden mödhe lidnan ühthine pind om 2 031,57 km², sidä kesken kuivma otab 1 785,34 km², sokaz ma om 246,23 km².

Tobmuz

Lidnankund jagase 41 nimitadud mikrorajonaks i videks küläümbrikoks. Hämenlidnan municipaline suim kogoneb 51 ezitajaspäi.

Edeline lidnan pämez' (suom.: Hämeenlinnan kaupunginjohtaja) om Timo Kenakkala (kezaku 2013 — eloku 2021).

Eläjad

Vl 1751 lidnan eläjiden lugu oli 649 ristitud. Vl 2010 lidnankundan eläjiden lugu oli 66 827 ristitud, vl 2020 — 67 848 ristitud. Kaikiš suremb kundan ristitišt om nügüd'.

Suomen kel' om mamankeleks eläjiden 94,8 % täht, ročin kel' — 0,4 %, toižed keled — 4,8 % (2016).

Galerei

Häme-lidnuz (2004)
Hämenlidnan jumalanpert', vn 2012 nägu
Lidnan teatr (2012)
Lidnan kirjišt (2007)
Hämenlidnan päraudtestancii vl 2007

Homaičendad

Irdkosketused

Lidnan oficialine sait (hameenlinna.fi). (suom.) (angl.) (roč.) (ven.) (somali) (arab.)

Hämenlidn Vikiaitas

	Suomenman agjad da niiden administrativižed keskused
	Ahvenanma¹ (Mariehamn) \| Kainu (Kajani) \| Kanta Häme (Hämenlidn) \| Keskpohjanma (Kokkol) \| Kesksuomenma (Jüväskülä) \| Kümenlakso (Kouvol) \| Laplandii (Rovanem') \| Pirkanma (Tampereh) \| Pohjanma (Vas) \| Pohjoižkarjal (Jogensu) \| Pohjoižpohjanma (Oulu) \| Pohjoižsavo (Kuopio) \| Päijät Häme (Laht) \| Sadakund (Pori) \| Suvikarjal (Lapenrand) \| Suvipohjanma (Seinjogi) \| Suvipäivlaskmaine Suomenma (Turku) \| Suvisavo (Mikoi) \| Udenma (Hel'sinki)
	¹ Avtonomine agj.