Virrat

Virrat (veps. i suom.)
Virdois (roč.)

Lidnanznam
Valdkund	Suomenma
Eläjiden lugu (2018-12-31)	6,741 ristitud
Pind	1,299,07 km²
Pämez'	Vesa Haapamäki (semendku 2010—)
Telefonkod	+358-(0)3
Aigvö	tal'vel UTC+2, kezal UTC+3

Virrat (mugažo suomen kelel; roč.: Virdois) om Suomenman lidn valdkundan suvipäivlaskmas. Se om Pirkanma-agjan üks'toštkümnenz' lidnankund 12:späi eläjiden lugun mödhe.

Istorii

Eländpunktan aluz om pandud vl 1868 kuti kund. Kätihe lidnudeks vl 1974, se sai lidnan statusad vl 1977.

Virrat šingotase maižandusen rajonan keskuseks sen produkcijan ümbriradmižen edheotandoidenke, mugažo turizmal.

Geografijan andmused

Lidn sijadase agjan pohjoižröunanno, Toižvezi-järven (suom. Toisvesi) suvirandoil, mugažo peniden Sekkis- (suom. Siekkisjärvi) da Härkössel'gan (suom. Härkösselkä) jarviden keskes. Kuz' avtoted ühtenzoitasoiš lidnas. Matkad agjan Tampereh-keskushesai om 105 km suvhe, Jüväskülähäsai om 114 km päivnouzmha, Porihesai — 152 km suvipäivlaskmha, Seinjogihesai — 90 km lodeheze, Hel'sinkihesai — 240 km suvhe orhal vai 290 km avtotedme.

Vl 2018 lidnan ühthine pind — 1 299,07 km², sidä kesken kuivma 1 162,55 km², vezi i sokaz tahond ottas 136,52 nellikkilometrad.

Kaik 15 küläd mülüdas lidnankundha.

Eläjad

Vl 1980 eläjiden lugu oli 9 621 ristitud, sil aigalpäi kaik poleneb. Rahvahantiheduz om 5,98 rist./km² (2016).

Mamankelen mödhe (2016): suomen kel' — 97,7%, ročin kel' — 0,1%, toižed keled — 2,2%.

Tapani Leppänen radoi lidnan edeližen pämehen vozil 1993−2010.

Galerei

• 
  Lidnan ohjastusen pert'
  (2015)
• 
  Virratan jumalanpert'
• 
  Sild Herraskosken kanalas päliči lidnan lodehes
• 
  Virratan kirjišt
• 
  Sportzal
• 
  Pöud vändoiden täht
  (2015)

Irdkosketused

• Lidnan oficialine sait (virrat.fi). (suom.)