Outokumpu

Vikipedii
Mine navigeerimisribale Mine otsikasti
Outokumpu
Lidnanznam
Outokumpu.vaakuna.svg
Valdkund Suomenma
Eläjiden lugu (2020-01-01) 6,679 ristitud
Pind 584,06 km²
Outokumpu
Pämez' Pekka Hüvönen
(2010—.
Pekka Hyvönen)
Telefonkod +358-
Aigvö tal'vel UTC+2,
kezal UTC+3


Outokumpu (mugažo suomen i ročin kelil) om Suomenman lidn da lidnankund valdkundan keskuzpalan suvipäivnouzmas. Se om Pohjoižkarjal-agjan kaikiš penemb lidnankund videspäi eläjiden lugun mödhe.

Istorii[redaktiruida | redaktiruida purde]

Municipalitetan aluz om pandud vl 1865 Kuusjärvi-nimitusenke. Vl 1910 löutihe vas'ken varoid, i vas'kentegim radaškanzi severziš-se voziš. Kaivuz radoi vll 1913−1989. Vl 1932 «Outokumpu»-kompanijan (nüg. terasen tegii, päfater sijadase Espoos) aluz om pandud kaivudenno, se oli valdkundaline eziauguižešti. Vspäi 1956 municipalitet nimitase nügüdläižikš. Kätihe lidnanvuiččeks (suom.: kauppala) vl 1968. Kund sai lidnan statusad (kaupunki) vl 1977.

Outokumpu šingotase industrialižel puištol[1] (vspäi 1979, metallan da toižiden materialiden ümbriradmine mašinoil luguprogramohjandusenke) i turizmal (vanh kaivuz, londuseline i sportivine).

Geografijan andmused[redaktiruida | redaktiruida purde]

Lidn sijadase agjan päivlaskmaiženno röunanno, Viinijärven randal (135 km², 79 m ü.m.t.). Matkad agjan Jogensu-keskushesai om 40 km päivnouzmha orhal, 47 km avtotel vai raudtel, Hel'sinki-pälidnhasai om 358 km suvipäivlaskmha orhal, 426 km avtotedme vai raudtedme. Toižed lähembaižed lidnad oma Varkaus (Pohjoižsavo) 74 km suvipäivlaskmha orhal vai 109 km avtotedme, i Kuopio (Pohjoižsavo) 71 km päivlaskmha orhal, 93 km avtotedme vai raudtedme. «Jogensu — Kuopio»-raudtekeskust läbitab Outokumpud.

Vl 2020 lidnankundan pind — 584,06 km², sidä kesken kuiv ma 445,83 km², vezi i sokaz tahond ottas ühesandest (138,23 km²).

Eläjad[redaktiruida | redaktiruida purde]

Vl 1980 lidnankundan eläjiden lugu oli 10 312 ristitud (kaikiš suremb ristitišt vspäi 1980), vl 2010 — 7 411 ristitud. Kaks' ristitud koumespäi elädas lidnankundan keskuses.

Mamankelen mödhe (2016): suomen kel' — 96,5%, ročin kel' — 0,1%, toižed keled — 3,4%.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Lidnan industrialižen puišton sait (outokummunteollisuuskyla.fi). (suom.) (angl.) (ven.)

Irdkosketused[redaktiruida | redaktiruida purde]