Nival

Vikipedii-späi
Nival
Nivala (suom. i roč.)
Lidnanznam
Valdkund Suomenma
Eläjiden lugu (2020-01-01) 10,643 ristitud
Pind 536,87 km²
Nival Nivala (suom. i roč.)
Pämez' Päivi Karikumpu
(tal'vku 2015—)
Telefonkod +358-
Aigvö tal'vel UTC+2,
kezal UTC+3


Nival (suom. i roč.: Nivala) om Suomenman lidn valdkundan keskuzpalan päivlaskmas, Pohjoižpohjanma-agjas. Se om agjan kudenz' lidn 11:späi eläjiden lugun mödhe.

Istorii[vajehta | vajehtada tekst]

Municipalitetan aluz om pandud vl 1867. Vspäi 1942 nikelin da vas'ken samine oli läz Nivalad. Kätihe lidnaks (kaupunki) vl 1992. Jäl'gmäine kaivuz tuli bankrotnendale vl 2017 ekologijan tarbhaičendoiden tagut.

Nival šingotase elektrotehnižel tegimel («Nordic Aluminium», alüminijasižed komponentad elektronikan täht), opendusen da tedon keskusil, turizmal.

Geografijan andmused[vajehta | vajehtada tekst]

Lidnankund sijadase agjan suves, Kalajogen randoil (suom.: Kalajoki 130 km pitte, lankteb Baltijan merhe). Kaikiš znamasižemb järv om Pidisjärvi (se-žo kundan istorine nimituz) ani suvhe municipalitetan keskusespäi, Kalajogi läbitab sidä. Kaks' tošt järved oma Suojärvi suvižes čogas i Erkkisjärvi päivnouzmas. Malisjogi (suom. Malisjoki) läbitab Nivalan keskust i lankteb Pidisjärvhe. Matkad agjan Oulu-pälidnhasai om 150 km pohjoižhe avtotel vai raudtel, Hel'sinkihesai om 418 km suvhe orhal, 482 km avtotedme vai raudtedme. Lähembaižed lidnad (avtoteidme) oma Haapajärvi 27 km suvipäivnouzmha, Haapavezi 37 km pohjoižpäivnouzmha i Üliviesk 28 km lodeheze. Nivalan raudtestancii radab «Iisalmi — Üliviesk»-keskustal.

Vl 2020 lidnankundan ühthine pind — 536,87 km², sidä kesken kuivma 527,84 km², vezi da sokaz tahond ottas 9,03 nellikkilometrad.

Eläjad[vajehta | vajehtada tekst]

Vl 1980 eläjiden lugu oli 10 515 ristitud, vl 2010 — 11 025 ristitud. Kaikiš suremb kundan ristitišt oli 11 379 eläjad vl 1995. Ristituiden pol' eläb lidnankundan keskuses.

Mamankelen mödhe (2016): suomen kel' — 99,2%, ročin kel' — 0,1%, toižed keled — 0,7%.

Edeline lidnan pämez' om Kari Valtanen (2008−2015).

Galerei[vajehta | vajehtada tekst]

Homaičendad[vajehta | vajehtada tekst]


Irdkosketused[vajehta | vajehtada tekst]