Mine sisu juurde

Kaskinen

Vikipedii-späi
Kaskinen (veps. i suom.)
Kaskö (roč.)
Lidnanznam
Valdkund Suomenma
Eläjiden lugu (2020) 1,250 ristitud
Pind 175,36 km²
Kaskinen (veps. i suom.) Kaskö (roč.)
Pämez' Markku Lumio
(tal'vku 2022—)
Telefonkod +358-
Aigvö tal'vel UTC+2,
kezal UTC+3


Kaskinen (mugažo suomen kelel, roč.: Kaskö) om Suomenman lidn, lidnankund da meriport valdkundan suvipäivlaskmas. Se om valdkundan i Pohjanma-agjan kaikiš penemb lidnankund eläjiden lugun mödhe.

Istorii[vajehta | vajehtada tekst]

Ročinman Gustav III-kunigaz pani lidnan alust Kaskinen-sarehe vl 1785. Se om jäl'gmäine pandud Suomenmaha lidn Ročinman ohjastusen aigan. Lidnan suim pučihe ühtištusespäi Närpes-lidnanke vn 2019 kül'mkus ühesal änel kahesad vaste.

Kaskinen šingotase kalan edheotandoil («Oy Sonnfish Ab», «Kuivaniemen Kala Oy») i meriportal.

Geografijan andmused[vajehta | vajehtada tekst]

Lidn sijadase agjan suvipäivlaskmas, Botnižen lahten merikaran saril i kontinental. Matkad agjan Vas-keskushesai om 82 km pohjoižhe orhal vai 94 km avtol, Hel'sinki-pälidnhasai om 317 km suvipäivnouzmha orhal vai 364 km avtotedme. Lähembaižed lidnad oma Kristiinankaupunki 15 km suvipäivnouzmha orhal vai 30 km avtotedme, i Närpes 15 km pohjoižhe-pohjoižpäivnouzmha avtol vai raudtel. Raudte ühtenzoitab Seinjogi-lidnanke.

Vl 2020 lidnankundan pind — 175,36 km², sidä kesken kuivma 10,63 km², vezi i sokaz tahond ottas 0,15 km², meri om 164,58 km².

Tobmuz[vajehta | vajehtada tekst]

Kaik 17 valičemižtarhad oma municipalitetas.

Edeližed lidnanpämehed oma Minna Nikander (radoi vn 2017 tal'vkuspäi), Marlene Svens (radoi vn 2017 sügüz'kuhusai).

Eläjad[vajehta | vajehtada tekst]

Vl 1980 lidnan eläjiden lugu oli 1 914 ristitud (kaikiš suremb ristitišt vspäi 1980), vl 2010 — 1 429 ristitud. Läz kaik ristitud (99,3 %) elädas lidnankundan keskuses.

Kodikelen mödhe (2016): suomen kel' — 64,1 %, ročin kel' — 29,2 %, toižed keled — 6,7 %.

Galerei[vajehta | vajehtada tekst]

Homaičendad[vajehta | vajehtada tekst]


Irdkosketused[vajehta | vajehtada tekst]