Suonenjogi

Vikipedii
Mine navigeerimisribale Mine otsikasti
Suonenjogi
Suonenjoki (suom. i roč.)
Lidnanznam
Suonenjoki coat of arms.svg
Valdkund Suomenma
Eläjiden lugu (2020-01-01) 7,060 ristitud
Pind 862,34 km²
Suonenjogi Suonenjoki (suom. i roč.)
Pämez' Juha Piiroinen
(sügüz'ku 2013—)
Telefonkod +358-
Aigvö tal'vel UTC+2,
kezal UTC+3


Suonenjogi (suom. i roč.: Suonenjoki, suomen virkand: [ˈsuo̯nenjoki]) om Suomenman lidn da lidnankund valdkundan suvipalan keskuses. Se om Pohjoižsavo-agjan kaikiš penemb lidnankund videspäi eläjiden lugun mödhe.

Istorii[redaktiruida | redaktiruida purde]

Municipalitetan aluz om pandud vl 1865. Raudte läbiti kundan keskust vl 1889. Kätihe lidnanvuiččeks (suom.: kauppala) vl 1967, anttihe lidnan statusad (kaupunki) vl 1977.

Suonenjogi šingotase temašiništon pästandal («Arctic Machine»), kleidüd brusan tegimel («Finland Laminated Timber»), mecpilindan tegimel («Iisveden Metsä Oy»), sömtegimištol (maidtegim i keitišen tegim). Sadmanzikaižen avar kazvatand mäneb 1940-nziš vozišpäi, äi ristitud ajeltas poimdä sidä kezal kaikes valdkundaspäi i verhiš maišpäi. Suomenman mectedoinstitutan alajaguz i koume muzejad ratas kundas mugažo.

Geografijan andmused[redaktiruida | redaktiruida purde]

Lidn sijadase agjan suviröunanno, Suontienselkä–Paasvezi-järven randišton lodehližes čogas (suom.: Suontienselkä–Paasvesi 58 km² pindanke, 99 m ü.m.t.). Matkad agjan Kuopio-keskushesai om 41 km pohjoižpäivnouzmha orhal, 52 km avtol vai raudtel, Hel'sinki-pälidnhasai om 297 km suvhe-suvipäivlaskmha orhal, 334 km avtotedme vai raudtedme. Toižed lähembaižed lidnad oma Varghuz 52 km suvipäivnouzmha orhal vai 66 km avtotedme, Pieksämägi (Suvisavo) 37 km suvhe orhal, 42 km avtotedme vai raudtedme, i Jüväskülä (Kesksuomenma) 83 km suvipäivlaskmha orhal vai 97 km avtol. Suonenjogin raudtestancii radab «IisalmiKouvol»-keskustal.

Vl 2020 lidnankundan pind — 862,34 km², sidä kesken kuivma 713,55 nellikkilometrad, vezi i sokaz tahond ottas 148,79 km². Lidnankund jagase 27 valičemižtahoks. Kaik 16 kundan keskusen rajonad i 31 küläd alištudas lidnan tobmudele.

Eläjad[redaktiruida | redaktiruida purde]

Vl 1980 eläjiden lugu oli 9 110 ristitud (kaikiš suremb ristitišt vspäi 1980), vl 2010 — 7 598 ristitud. Koume ristitud nelläspäi elädas lidnankundan keskuzpalas.

Vn 2016 andmusiden mödhe, suomen kel' oli mamankeleks 97,7% täht lidnalaižišpäi, toižed keled — 2,3%.

Olavi Ruotsalainen radoi edeližen lidnanpämehen vn 2013 sügüz'kuhusai, hän om Suonenjogin kundan suiman ezimez' vn 2017 heinkuspäi.

Galerei[redaktiruida | redaktiruida purde]

Homaičendad[redaktiruida | redaktiruida purde]


Irdkosketused[redaktiruida | redaktiruida purde]