Kankaanpää

Vikipedii-späi
Kankaanpää
Lidnanznam
Valdkund Suomenma
Eläjiden lugu (2020-01-01) 11,272 ristitud
Pind 704,74 km²
Kankaanpää
Pämez' Mika Hatanpää
(keväz'ku 2016—)
Telefonkod +358-
Aigvö tal'vel UTC+2,
kezal UTC+3


Kankaanpää (mugažo suomen i ročin kelil) om Suomenman lidn da lidnankund valdkundan suvipäivlaskmas. Mülüb Sadakund-agjaha, sen nellänz' lidnankund seičemespäi eläjiden lugun mödhe.

Istorii[vajehta | vajehtada tekst]

Municipalitetan aluz om pandud vl 1865. Kätihe sidä lidnanvuiččeks (suom.: kauppala) vl 1967, anttihe lidnan statusad (kaupunki) vl 1972. Honkajoki-municipalitet linneb ühtištadud lidnankundanke vl 2021.

Kankaanpää šingotase terazvanundtegimel («Ruukki», lehtesed polimerkrepindanke) i professionaližen opendusen keskuseks: torguindan škol, politehnine škol, artillerijan sodaškol. Sodamehiden sijaduz i harjoituzbaz oma lähižes Niinisalo-küläs.

Geografijan andmused[vajehta | vajehtada tekst]

Lidn sijadase agjan pohjoižpäivnouzmas. Ruokojärvi om lidnan suves (läz 1 km²). Karvianjogi (suom.: Karvianjoki 110 km pitte, lankteb Botnižhe lahthe) läbitab kundad. Matkad agjan Pori-keskushesai om 48 km suvipäivlaskmha orhal vai 52 km avtotedme, Hel'sinkihesai om 225 km suvipäivnouzmha orhal vai 271 km avtotedme. Lähembaižed lidnad (avtoteidme) oma Parkano (Pirkanma) 42 km pohjoižpäivnouzmha i Ikaalinen (Pirkanma) 47 km päivnouzmha.

Vl 2020 lidnan ühthine pind — 704,74 km², sidä kesken kuivma 689,63 km², vezi da sokaz tahond ottas 15,11 km².

Eläjad[vajehta | vajehtada tekst]

Vl 1980 eläjiden lugu oli 13 516 ristitud, vl 2010 — 12 135 ristitud. Kaikiš suremb ristitišt oli 13 652 eläjad vl 1985. Ristituiden seičeme kümnendest elädas lidnankundan keskuses.

Mamankelen mödhe (2016): suomen kel' — 97,4%, ročin kel' — 0,1%, toižed keled — 2,5%.

Paavo Karttunen radoi lidnan edeližen pämehen (2003−2016).

Galerei[vajehta | vajehtada tekst]

Homaičendad[vajehta | vajehtada tekst]


Irdkosketused[vajehta | vajehtada tekst]