Kankaanpää

**Kankaanpää**
	Lidnanznam;
Valdkund	Suomenma
Eläjiden lugu (2025)	12,501 ristitud
Pind	1,037,87 km²
Pämez'	Mika Hatanpää; (keväz'ku 2016—)
Telefonkod	+358-
Aigvö	tal'vel UTC+2,; kezal UTC+3

Kankaanpää (mugažo suomen i ročin kelil) om Suomenman lidn da lidnankund valdkundan suvipäivlaskmas. Mülüb Sadakund-agjaha, sen nellänz' lidnankund seičemespäi eläjiden lugun mödhe.

Istorii

Municipalitetan aluz om pandud vl 1865. Kätihe sidä lidnanvuiččeks (suom.: kauppala) vl 1967, anttihe lidnan statusad (kaupunki) vl 1972. Honkajogi-municipalitet om ühtištadud lidnankundanke vn 2021 vilukuspäi (sil aigal 1 598 eläjad 333,13 km² pindal).

Kankaanpää šingotase terazvanundtegimel («Ruukki», lehtesed polimerkrepindanke) i professionaližen opendusen keskuseks: torguindan škol, politehnine škol, artillerijan sodaškol. Sodamehiden sijaduz i harjoituzbaz oma lähižes Niinisalo-küläs.

Geografijan andmused

Lidn sijadase agjan pohjoižpäivnouzmas. Ruokojärvi (läz üht nellikkilometrad) om lidnan suves. Karvianjogi läbitab kundad (suom.: Karvianjoki 110 km pitte, lankteb Botnižhe lahthe).

Matkad agjan Pori-keskushesai om nell'kümne kahesa kilometrad suvipäivlaskmha orhal vai 52 km avtotedme, Hel'sinkihesai om 225 km suvipäivnouzmha orhal vai 271 km avtotedme. Lähembaižed lidnad (avtoteidme) oma Parkano (Pirkanma) 42 km pohjoižpäivnouzmha i Ikaalinen (Pirkanma) 47 km päivnouzmha.

Tobmuz

Vl 2025 lidnan ühthine pind — 1037,87 km² (vl 2020 oli 704,74 km²), sidä kesken kuivma 1021,24 km², vezi da sokaz tahond ottas 16,63 km².

Paavo Karttunen radoi lidnan edeližen pämehen (2003−2016).

Eläjad

Vl 1980 lidnankundan eläjiden lugu oli 13 516 ristitud, vl 2010 — 12 135 ristitud, vl 2020 — 11 272 ristitud. Kaikiš suremb kundan ristitišt oli 13 652 eläjad vl 1985. Ristituiden seičeme kümnendest elädas lidnankundan keskuses.

Mamankelen mödhe (2024): suomen kel' — 92,9 %, ročin kel' — 0,1 %, toižed keled — 7,0 %.

Galerei

Lidnan ohjastusen pert' (2020)
Kankaanpään jumalanpert' (om saudud vl 1839), vn 2012 nägu, sodamehiden kaumžomanke
«Ruukki»-kompanijan tegimen varažom vl 2007
Kodirandantedištandmuzei (vn 2016 olend)
Kankaanpään jäpert'kulu (sügüz'ku 2025)

Homaičendad

Irdkosketused

Lidnan ohjastusen sait (kankaanpaa.fi). (suom.) (angl.)

Kankaanpää Vikiaitas