Orivezi

Orivezi
Orivesi (suom. i roč.)
	Lidnanznam;
Valdkund	Suomenma
Eläjiden lugu (2020-01-01)	9,159 ristitud
Pind	960,08 km²
Pämez'	Juha Kuusisto; (2002—)
Telefonkod	+358-
Aigvö	tal'vel UTC+2,; kezal UTC+3

Orivezi (suom. i roč.: Orivesi, vanh suomen form om Orihvesi) om Suomenman lidn da lidnankund valdkundan suvipäivlaskmas. Se om Pirkanma-agjan ühesanz' lidnankund 12:späi eläjiden lugun mödhe.

Istorii[vajehta | vajehtada lähte]

Municipalitetan aluz om pandud vl 1869. Ühtištuihe Eräjärvi-küläkundanke vl 1973. Orivezi sai lidnan statusad vl 1986. Mülütihe Längelmäki-municipalitetan palad lidnankundha vl 2007.

Orivezi šingotase infrastrukturan sauvomižen kompanijal («KVL-Tekniikka Oy» — avtoted, energetik, torvveimed), kuldan samižel (vspäi 1994) i raudten depol.

Geografijan andmused[vajehta | vajehtada lähte]

Lidn sijadase agjan päivnouzmas, Längelmävezi-järven pohjoižel randal (133 km², 84 m ü.m.t., suom.: Längelmävesi, Kokemäenjogen bassein). Kaik om enamba 350 järved municipalitetas. Matkad agjan Tampereh-keskushesai om 38 km suvipäivlaskmha orhal, 44 km avtotel vai raudtel, Hel'sinki-pälidnhasai — 171 km suvhe orhal, 217 km avtotedme vai raudtedme. Toižed lähembaižed lidnad (avtol) oma Kangasal 35 km suvipäivlaskmha, Mänttä-Vilppul 48 km pohjoižhe-pohjoižpäivnouzmha i Jämsä (Kesksuomenma) 51 km päivnouzmha-pohjoižpäivnouzmha.

Vl 2020 lidnan ühthine pind oli 960,08 km², sidä kesken kuivma 799,65 km², vezi i sokaz tahond ottas 160,43 nellikkilometrad.

Eläjad[vajehta | vajehtada lähte]

Vl 1980 eläjiden lugu oli 8 854 ristitud, vl 2010 — 9 617 ristitud (kaikiš suremb ristitišt). Ristituiden kaks' koumendest eläb lidnankundan keskuses.

Mamankelen mödhe (2016): suomen kel' — 98,4%, ročin kel' — 0,2%, toižed keled — 1,4%.