Savonlidn

Savonlidn
Savonlinna (suom.)
Nyslott (roč.)
	Lidnanznam;
Valdkund	Suomenma
Eläjiden lugu (2024)	31,585 ristitud
Pind	3,597,69 km²
Pämez'	Janne Laine; (2006—)
Telefonkod	+358-(0)15
Aigvö	tal'vel UTC+2,; kezal UTC+3

Savonlidn (suom.: Savonlinna [ˈsɑʋonˈlinnɑ], roč.: Nyslott) om lidn da lidnankund Suomenman suvipäivnouzmas. Se om valdkundan 36nz' lidn eläjiden lugun mödhe, mülüb Suvisavo-agjaha.

Istorii

Eländpunktan aluz om pandud vl 1475 kuti Ročinman Nyslott-lidnuz («uz' lidnuz») da žilo senno. Vspäi 1534 lidnuz oli Savo-provincijan keskuseks. Vl 1639 žilo sai lidnan statusad. Vspäi 1743 oli Venäman imperijan Viipurin guberijan palaks.

Suomen nimituz kändihe oficialižeks ripmatomuden sandan jäl'ghe vl 1917. Lidnusen nimituz om Olavinlinna (roč.: Olofsborg) nügüd'. Nened kundad oliba mülütadud Savonlidnan alištushe erasil-se vozil: Sääminki (1973), Savonrand (suom. Savonranta, 2009), Kerimäki i Punkaharju (2013).

Savonlidn šingotase pun ümbriradmižel, transportan edheotandoil, veimetomiden kaičendsistemiden tegimel (vspäi 2019), turizmal.

Geografijan andmused

Lidn sijadase agjan päivnouzmas, Saimaa-järven i sen laivten randal, pol'tel Mikoišpäi Jogensuhu.

Matkad Hel'sinkihesai om 284 km suvipäivlaskmha orhal, 333 km avtotel Mikoin i Lahten kal't, 400 km raudtedme Kouvolan kal't. Agjan Mikoi-keskuz om 86 km päivlaskmha-suvipäivlaskmha orhal vai 103 km avtotedme.

Vn 2022 andmusiden mödhe lidnankundan ühthine pind om 3 597,69 km², sidä kesken kuivma — 2 238,11 km², sokaz ma otab koumandest (1 359,58 km²).

Tobmuz

Kund jagase 35 nimitadud rajonaks, kaik 97 küläd alištudas lidnankundan tobmudele. Savonlidnan municipaline suim kogoneb 43 ezitajaspäi.

Edeližed lidnan pämehed oma Leo Mether (1972−1989), Tauno Pulkki (1970−1972), Viljo Virtanen (1963−1969).

Eläjad

Vl 1980 lidnankundan nügüdläižen territorijan ristitišt oli 41 053 eläjad, vl 2000 — 39 575 eläjad, vl 2010 — 37 059 eläjad, vl 2020 — 32 976 eläjad. Kaikiš suremb lidnan eläjiden lugu oli 41 426 ristitud vl 1995.

Mamankelen mödhe (2016): suomen kel' — 96,3 %, ročin kel' — 0,1 %, toižed keled — 3,6 %.