Iisalmi

Vikipedii
Mine navigeerimisribale Mine otsikasti
Iisalmi (veps. i suom.)
Idensalmi (roč.)
 Lidnanznam
Iisalmi.vaakuna.svg
 Flag
Iisalmi.lippu.svg
Valdkund Suomenma
Eläjiden lugu (2020-01-01) 21,374 ristitud
Pind 872,20 km²
Iisalmi (veps. i suom.) Idensalmi (roč.)
Pämez' Jarmo Ronkainen
(semendku 2013—)
Telefonkod +358-
Aigvö tal'vel UTC+2,
kezal UTC+3


Iisalmi (mugažo suomen kelel, roč.: Idensalmi) om Suomenman lidn valdkundan keskuzpalan suves. Se om Pohjoižsavo-agjan kahtenz' lidnankund eläjiden lugun mödhe.

Istorii[redaktiruida | redaktiruida purde]

Saudihe sijališt jumalanpertid vl 1627, i pened küläd oliba siš ümbri 17. voz'sadaspäi. Iisalmi-eländpunktan aluz om pandud vl 1856 torguindžiloks. Se sai lidnan statusad vl 1891. Raudte tuli lidnha vl 1902, möhemba jätksihe raudted Oulunnoks. Iisalmin küläkund om ühtištadud lidnanke vl 1970.

Iisalmi šingotase elektrotehnižel «Genelec»-edheotandal (studižed aktivižed monitorad i kolonkad), mašinansauvomižel (kaivuzmašiništ i tonnel'sauvondmašinad, kiruhabumašinad i policiiavtod), alkogoližjomiden «Olvi»-kompanijal (jäl'gmäine suomen mugoine edheotand, toižed oma osttud verazmalaižil). Maižanduzrajonan keskuz. Ende punümbriradai tegimišt, metallurgii, tömašinoiden pästand oliba lidnas. «Rompepäivät»-aigtego om vanhiden kaluiden jarmank i meled niiden utilizacijas. Oludkompanijan jogavoččed «Oluset»- i «Limuset»-festivalid oleskeldas heinkus.

Geografijan andmused[redaktiruida | redaktiruida purde]

Lidnankund sijadase agjan pohjoižes, lidn om saudud Porovesi-järven i Paloisjärven randoil. Kaik 111 järved om lidnankundas. Matkad Hel'sinkihesai om 395 km suvhe-suvipäivlaskmha orhal, 470 km avtotedme vai raudtedme, agjan Kuopio-keskushesai om 78 km suvhe orhal vai 86 km avtotedme. Toižed lähembaižed lidnad oma Kiuruvezi 35 km päivlaskmha avtol i Kajani 79 km pohjoižhe orhal vai 88 km avtotedme.

Vl 2020 lidnan ühthine pind oli 872,20 km², sidä kesken kuivma 763,02 nellikkilometrad, vezi i sokaz ma otiba kahesandest (109,18 km²). Lidnankund jagase 35 nimitadud rajonaks vai 43 valičemižtahoks.

Eläjad[redaktiruida | redaktiruida purde]

Vl 1980 eläjiden lugu oli 22 648 ristitud, vl 2010 — 22 095 ristitud. Kaikiš suremb lidnankundan ristitišt oli 24 042 eläjad vl 1995. Ristituiden koume nelländest elädas lidnankundan keskuzpalas.

Vn 2016 andmusiden mödhe, suomen kel' oli mamankeleks 97,6% täht lidnalaižišpäi, toižed keled — 2,4%.

Edeline lidnan pämez' om Martti Harju (1987−2013).

Galerei[redaktiruida | redaktiruida purde]

Homaičendad[redaktiruida | redaktiruida purde]


Irdkosketused[redaktiruida | redaktiruida purde]