Forss

Forss
Forssa (suom. i roč.)
	Lidnanznam;
Valdkund	Suomenma
Eläjiden lugu (2025)	16,368 ristitud
Pind	253,36 km²
Pämez'	Jari Kesäniemi; (sulaku 2017—)
Telefonkod	+358-(0)3
Aigvö	tal'vel UTC+2,; kezal UTC+3

Forss (suom. i roč.: Forssa) om lidn Suomenman suvipäivlaskmas, mülüb sen Kanta-Häme-provincijha.

Istorii

Vl 1846 ročilaine Aksel' Vil'gel'm Vahren (suom.: Axel Wilhelm Wahren) pani fabrikan alust ümbriradmaha puvillad Loimijogen (suom. Loimijoki) randal. Eländpunktan aluz om pandud vl 1923 kuti kund, se sai lidnan statusad vl 1964.

Forss šingotase municipalitetan holitišiden aluzkundoil, sömtegimištol, sauvondmaterialiden tehmižel (beton, lämuzizoläcii) i elektronikan edheotandal.

Geografijan andmused

Lidn sijadase agjan päivlaskmas, Loimijogen randoil (suom.: Loimijoki 114 km pitte, Kokemäenjogen hura ližajogi).

Sured lidnad oma läheli: matkad Hämenlidnhasai (agjan keskuz) om vižkümne kuz' kilometrad pohjoižpäivnouzmha, Hel'sinkin keskuzpalhasai — 110 km suvipäivnouzmha, Turkuhusai — 88 km suvipäivlaskmha, Tamperehesai — 87 km pohjoižhe.

Vn 2022 andmusiden mödhe lidnankundan pind om 253,36 km², sidä kesken kuivma — 248,83 km², vezi i sokaz tahond ottas 4,53 km².

Tobmuz

Forss jagase kahteks administrativižeks lidnanlaptaks, ned alajagasoiš seičemetoštkümneks valičemižümbrikoks. Forssan municipaline suim kogoneb 43 ezitajaspäi.

Edeližed lidnan pämehed oma Sami Sulkko (2013−2017), Tapani Venho (2002–2013), Hannu Joensivu (1999–2001).

Eläjad

Vl 1980 lidnankundan eläjiden lugu oli 19 332 ristitud, vl 2000 — 18 506 ristitud, vl 2010 — 17 904 ristitud, vl 2020 — 16 906 ristitud. Kaikiš suremb lidnan ristitišt oli 19 660 eläjad vl 1990.

Mamankelen mödhe (2016): suomen kel' — 95,2 %, ročin kel' — 0,3 %, toižed keled — 4,5 %.

Hämen sättutoitud tedoiden universitetan^[1] (baziruiše Hämenlidnas, suom.: Hameen ammattikorkeakoulu, roč.: Tavastlands yrkeshögskola, alusenpanend 1995, 10 tuh. üläopenikoid) üks' kampusoišpäi sijadase lidnan keskuzpalas.