Ikaalinen

Vikipedii
Mine navigeerimisribale Mine otsikasti
Ikaalinen (veps. i suom.)
Ikalis (roč.)
Lidnanznam
Ikaalinen.vaakuna.svg
Valdkund Suomenma
Eläjiden lugu (2020-01-01) 6,921 ristitud
Pind 843,40 km²
Ikaalinen (veps. i suom.) Ikalis (roč.)
Pämez' Kari Tolonen
(sügüz'ku 2017—)
Telefonkod +358-
Aigvö tal'vel UTC+2,
kezal UTC+3


Ikaalinen (mugažo suomen kelel, roč.: Ikalis) om Suomenman lidn da lidnankund valdkundan suvipäivlaskmas. Se om Pirkanma-agjan kümnenz' lidnankund 12:späi eläjiden lugun mödhe.

Istorii[redaktiruida | redaktiruida purde]

Municipalitetan aluz om pandud vl 1641. Panihe ühtennimižen lidnanvuiččen Ikaalinen-žilon alust (suom.: kauppala) vl 1858. Ühtištuihe žilod ümbärdajanke küläkundanke vl 1972. Ikaalinen sai lidnan statusad (kaupunki) vl 1977.

Ikaalinen šingotase parketan da toižiden lavakrepindoiden tehmižel («Upofloor Oy»), vägitransmissijoiden detaliden pästandal («Katsa Oy»), metalližen lomun ümbriradmižel («Fincumet Oy»), lebuturizmal, maižandusel.

Geografijan andmused[redaktiruida | redaktiruida purde]

Lidn sijadase agjan päivlaskmas, Kürösjärven päivlaskmaižel randal (96 km², 83 m ü.m.t., suom.: Kyrösjärvi, Kokemäenjogen bassein). Rahvahaline Seitseminen-puišt om municipalitetas paloin. Matkad agjan Tampereh-keskushesai om 48 km suvipäivnouzmha orhal vai 55 km avtotel, Hel'sinki-pälidnhasai — 205 km suvhe-suvipäivnouzmha orhal vai 237 km avtotedme. Toižed lähembaižed lidnad (avtol) oma Kankaanpää (Sadakund) 47 km päivlaskmha, Parkano 36 km pohjoižhe i Ülöjärvi 43 km suvipäivnouzmha.

Vl 2020 lidnankundan pind — 843,40 km², sidä kesken kuivma 750,41 km², vezi i sokaz tahond ottas 92,99 nellikkilometrad.

Kaik 13 nimitadud da nomeruidud rajonad i 43 küläd mülüdas municipalitetha.

Eläjad[redaktiruida | redaktiruida purde]

Vl 1980 eläjiden lugu oli 8 137 ristitud, vl 2010 — 7 428 ristitud. Kaikiš suremb municipalitetan ristitišt oli 8 219 eläjad vl 1990. Ristituiden koume videndest eläb lidnankundan keskuses.

Mamankelen mödhe (2016): suomen kel' — 98,2%, ročin kel' — 0,2%, toižed keled — 1,6%.

Lidnan edeližed pämehed oma Tero Nissinen (radoi vll 2006−2012) i Kalle Mäkelä (2013−2017).

Galerei[redaktiruida | redaktiruida purde]

Homaičendad[redaktiruida | redaktiruida purde]


Irdkosketused[redaktiruida | redaktiruida purde]