Heinol
Lidnanznam![]() |
Flag![]() |
Valdkund | Suomenma |
Eläjiden lugu (2020-01-01) | 18,661 ristitud |
Pind | 839,28 km² |
![]() | |
Pämez' | Jari Parkkonen (uhoku 2018—) |
Telefonkod | +358-(0)3 |
Aigvö | tal'vel UTC+2, kezal UTC+3 |
Heinol (suom. i roč.: Heinola) om Suomenman lidn valdkundan suves. Mülüb Päijät-Häme-agjaha, sen kahtenz' lidn koumespäi eläjiden lugun mödhe.
Istorii[redaktiruida | redaktiruida purde]
Eländpunktan aluz om pandud Ročinman Gustav III-kunigahan käskön mödhe vl 1776 kuti Kümenkartano-agjan administrativine keskuz. Ezmäine Heinolan pühäpert' om avaitud vl 1811, ezmäine škol — vl 1822. Žilo sai lidnan statusad vl 1839, šingotihe erazvuiččil pramozloil, vinan i hoikan tehmižel päazjan, i torguindal. Vl 1843 sätihe agjoid udeks, i sirtihe keskust Mikoihe. Heinol oli kurortaks 1890-nziš vozišpäi i edel Tošt mail'mansodad, mugažo školopendajiden institut radoi vhesai 1998. Raudtesarak om saudud lidnannoks Lahtespäi vl 1932. Heinolan küläkund om mülütadud lidnankundha vl 1997.
Heinol šingotase mecanümbriradmižen tegimil (Stora Enso — puapakod, Versowood). Lidn om tetab ištundan saunas čempionatal i revmatizman hirurgiikeskusel.
Geografijan andmused[redaktiruida | redaktiruida purde]
Lidn sijadase agjan päivnouzmas, Ruotsalainen- i Konnivesi-järviden keskes. Matkad agjan Laht-keskushesai om 30 km suvipäivlaskmha kaikil teil, Hel'sinkihesai om 130 km suvhe-suvipäivlaskmha orhal, 138 km avtotedme vai raudtel. Toižed lähembaižed lidnad oma Mikoi (Suvisavo) 85 km pohjoižpäivnouzmha orhal vai 93 km avtotel i Kouvol (Kümenlakso) 52 km suvipäivnouzmha orhal vai 73 km avtotedme.
Vl 2020 lidnankundan ühthine pind oli 839,28 km², sidä kesken kuiv ma — 675,99 nellikkilometrad, vezi da sokaz ma otiba videndest (163,29 km²).
Eläjad[redaktiruida | redaktiruida purde]
Vl 1980 lidnankundan eläjiden lugu oli 21 441 ristitud, vl 2010 — 20 258 ristitud. Kaikiš suremb ristitišt oli 22 255 eläjad vl 1990. Lidnankundan ristituiden ühesa kümnendest elädas territorijan keskuses.
Mamankelen mödhe (2016): suomen kel' — 96,6%, ročin kel' — 0,2%, toižed keled — 3,2%.
Edeline lidnan pämez' om Jussi Teittinen (keväz'ku 2014 — reduku 2017).
Galerei[redaktiruida | redaktiruida purde]
-
Kezaline teatr
vl 2015 -
Heinolan jumalanpertin kellčuhunduz
(vn 2013 nägu) -
«Stora Enso»-kompanijan cellülozkartontegim (2015)
-
«Versowood Areena»-jäpert'kulu
-
Heinolan päraudtestancii
(2009)
Homaičendad[redaktiruida | redaktiruida purde]
Irdkosketused[redaktiruida | redaktiruida purde]
- Lidnan oficialine sait (heinola.fi). (suom.) (roč.) (angl.) (ven.)
![]() |
Heinol Vikiaitas |