Keuruu

Keuruu (veps. i suom.)
Keuru (roč.)
	Lidnanznam;
Valdkund	Suomenma
Eläjiden lugu (2025)	9,024 ristitud
Pind	1,430,56 km²
Pämez'	Janne Teeriaho; (2024—)
Telefonkod	+358-(0)14
Aigvö	tal'vel UTC+2,; kezal UTC+3

Keuruu (mugazo suomen kelel, virktas [ˈkeu̯ruː]; roč.: Keuru) om lidn da lidnankund Suomenman suven keskuzpalan päivlaskmas. Mülüb Kesksuomenma-agjaha.

Istorii

Eländpunktan aluz om pandud vl 1652. Pihlajavesi:n kund kändihe Keuruun palaks vl 1969. Keuruu sai lidnan statusad vl 1986.

Vll 1967−2014 alištunu kaičendministrusele sijaline pionerpolk (250 mest) openzi läz tuhad ristituid joga voden pionerikš i londusen kaičijoikš.

Geografijan andmused

Kaik 316 järved om olmas Keuruun municipalitetan territorijal. Keuruun keskuz sijadase agjan suvipäivlaskmas, Keurussel'känjärven (suom.: Keurusselkä) pohjoižrandoil da saril, sen Koninsel'k-, Lapinsalmi-, Juurikkasalmi- i Tarhia-vezištoidenno.

Raudtesol'm om saudud Haapamäki-žilos, se ühtenzoitase raudtedme Tamperehesai, Vashasai i Jüväskülähäsai. «Haapamäki — Jüväskülä»-keskust läbitab Keuruun lidnfartaloid. Matkad agjan Jüväskülä-keskushesai om vižkümne viž kilometrad päivnouzmha orhal, avtol vai raudtedme, Hel'sinkihesai om 290 km suvhe avtotedme vai raudtel.

Vn 2025 andmusiden mödhe lidnankundan pind om 1 430,56 km², sidä kesken kuiv ma otab 1 257,99 km², saum vet i sokast tahondad om kahesandez (172,57 km²).

Tobmuz

Keuruun municipalitetan territorii jagase kaks'toštkümneks palaks, 13 küläd alištudas sen tobmudele. Municipaline suim kogoneb 27 ezitajaspäi (2025−2029, ende 31 ezitai oli).

Edeližed lidnan pämehed oma Noora Pajari (2022−2024), Hannu Mars (2016−2021), Timo Louna (radoi vhesai 2016).

Eläjad

Vl 1985 kundan eläjiden lugu oli 13 010 ristitud, sil aigalpäi ristitišt poleneb. Vl 2000 lidnankundan ristitišt oli 11 870 eläjad, vl 2010 — 10 666 eläjad, vl 2020 — 9 584 eläjad.

Mamankelen mödhe (2016): suomen kel' — 99 %, ročin kel' — 0,1 %, toižed keled — 0,9 %.