Paimio

Vikipedii
Mine navigeerimisribale Mine otsikasti
Paimio (veps. i suom.)
Pemar (roč.)
Lidnanznam
Paimio vaakuna.svg
Valdkund Suomenma
Eläjiden lugu (2020-01-01) 10,848 ristitud
Pind 240,03 km²
Paimio (veps. i suom.) Pemar (roč.)
Pämez' Jari Jussinmäki
(kül'mku 2004—)
Telefonkod +358-
Aigvö tal'vel UTC+2,
kezal UTC+3


Paimio (mugažo suomen kelel, suomen virkand: [ˈpɑimio], roč.: Pemar) om Suomenman lidn da lidnankund Suvipäivlaskmaine Suomenma-agjas. Se om agjan ühesanz' lidn eläjiden lugun mödhe üks'toštkümnespäi.

Istorii[redaktiruida | redaktiruida purde]

Eländpunktan aluz om pandud vl 1325. Paimio-kund sai lidnan statusad vl 1997.

Paimio šingotase asfal'tsegoitajiden «Amomatic»-mašinoiden tehmižel[1], turizmal (nell' muzejad).

Geografijan andmused[redaktiruida | redaktiruida purde]

Lidn sijadase agjan keskuzpalas, Paimionjogen molembil randoil (110 km pitte, suom.: Paimionjoki, roč.: Pemar å), sen lanktendanno Baltijan merhe. Matkad agjan Turku-keskushesai om 27 km päivlaskmha kaikil teil. Matkad Hel'sinki-pälidnhasai om 128 km suvipäivnouzmha orhal, 142 km avtotedme vai raudtedme. «Turku — Hel'sinki»-mante i raudte läbitadas lidnad. Toižed lähembaižed lidnad (orhal i kaikil teil) oma Kaarin 20 km päivlaskmha i Salo 28 km päivnouzmha.

Vl 2020 lidnankundan ühthine pind — 240,03 km², sidä kesken kuivma 238,41 km², vezi da sokaz tahond ottas 1,62 nellikkilometrad, meri — 2,24 km².

Eläjad[redaktiruida | redaktiruida purde]

Vl 1980 eläjiden lugu oli 8 366 ristitud, vl 2010 — 10 402 ristitud. Kaikiš suremb ristitišt om nügüd'. Ristituiden koume nelländest elädas lidnankundan keskuses, sen toine nimituz om Vist (suom.: Vista).

Mamankelen mödhe (2016): suomen kel' — 97,0%, ročin kel' — 1,0%, toižed keled — 2,0%.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. «Amomatic»-asfal'ttegimiden edheotandan sait (amomatic.com). (angl.) (roč.) (ven.) (suom.) (fr.)

Irdkosketused[redaktiruida | redaktiruida purde]