Pieksämägi

Pieksämägi
Pieksämäki (suom. i roč.)
	Lidnanznam;
Valdkund	Suomenma
Eläjiden lugu (2020-01-01)	17,661 ristitud
Pind	1,836,23 km²
Pämez'	Ulla Nükänen; (uhoku 2018—.; Ulla Nykänen)
Telefonkod	+358-
Aigvö	tal'vel UTC+2,; kezal UTC+3

Pieksämägi (suom. i roč.: Pieksämäki) om lidn da raudtesol'm Suomenman suvipalan keskuses. Mülüb Suvisavo-agjaha, sen kaikiš penemb lidnankund koumespäi.

Istorii[redaktiruida | redaktiruida purde]

Pieksämägin volost' oli olmas vspäi 1575. Vl 1889 «Kouvol — Kuopio»-raudtekeskust läbiti žilod, vl 1914 raudtesarak ühtenzoiti Savonlidnanke. Erigoittihe Pieksämägi-žilod volostišpäi vl 1930. Keskuzird om saudud vn 1934 žilon generaližen planan mödhe. Žilo sai lidnan statusad vl 1962. Mülütihe Pieksänmaa-kundad Pieksämägihe vl 2007.

Pieksämägi šingotase tervhudenkaičendan i socialižholitišiden sektoral, raudten VR-kompanijan mehanižel cehal i kompanijoil senno, sauvondmaterialiden tehmižel (eriližed metalližed konstrukcijad), sömtegimištol (glütenatomad i kül'menzoittud leibäntegesed), mugažo kassoiden i meblin pästandan edheotandoil.

Geografijan andmused[redaktiruida | redaktiruida purde]

Lidn sijadase agjan lodehes, Pieksänjärven suvirandal. Matkad agjan Mikoi-keskushesai om 66 km suvhe orhal, 76 km avtotedme vai raudtedme, Hel'sinkihesai om 265 km suvipäivlaskmha orhal, 300 km avtotel vai raudtel. Lähembaižed lidnad oma Varghuz (Pohjoižsavo) 42 km päivnouzmha orhal da kaikil teil, i Suonenjogi (Pohjoižsavo) 37 km pohjoižhe orhal, 42 km avtotedme vai raudtedme.

Vl 2020 lidnan ühthine pind oli 1 836,23 km², sidä kesken kuivma — 1 568,71 km², vezi i sokaz tahond otiba seičemendest (267,52 km²).

Eläjad[redaktiruida | redaktiruida purde]

Vl 1980 lidnankundan ristitišt oli 23 781 eläjad, vl 2010 — 19 869 eläjad. Kaikiš suremb eläjiden lugu oli 24 217 ristitud vl 1985. Ristitišton koume nelländest eläb lidnankundan keskuses.

Mamankelen mödhe (2016): suomen kel' — 97,4%, ročin kel' — 0,1%, toižed keled — 2,5%.

Edeline lidnan pämez' om Tapio Turunen (2002−2018).