Porvoo

Vikipedii-späi
Porvoo (veps. i suom.)
Borgå (roč.)
Lidnanznam
Valdkund Suomenma
Eläjiden lugu (2018) 50,224 ristitud
Pind 664,53 km²
Porvoo (veps. i suom.) Borgå (roč.)
Pämez' Jukka-Pekka Ujula
(2009—)
Telefonkod +358-(0)19
Aigvö tal'vel UTC+2,
kezal UTC+3


Porvoo (mugažo suomen kelel, virktas [ˈporʋoː]; ročin kelel: Borgå [ˈbɔrːɡoː]) om Suomenman lidn da lidnankund valdkundan suvirandanno, Udenma-provincijas. Se om valdkundan 21. lidn eläjiden lugun mödhe.

Istorii[vajehta | vajehtada tekst]

Eländpunkt mainitase ezmäižen kerdan aigkirjas läz 1380 vot lidnan oiktusidenke, se om kahtenz' lidn Suomenmas vanhuden mödhe Turkun jäl'ghe. Lidnan suomen nimi om kal'k ročin nimespäi. Nimituz znamoičeb ročikš «lidnuz jogel»: borg «lidnuz (zamk)», å «jogi».

Vn 1760 lidnan kaks' koumandest paloi. Vanh lidn om kaičenus tähäsai, se om puine tobjimalaz. Vl 1809 Borgon suim vahvišti Suomenman rahvahan avaron avtonomijan, se kändihe necen rahvahan ezmäižeks valdkundanvuiččeks formaks istorijas.

Porvoo šingotase «Neste»-kompanijan kivivoin ümbriradmižen tegimel, «Borealis»-kompanijan polietilenan i polipropilenan tehmižel, vilugoitimiden fabrikal, turizmal. Elektromašiništon Ensto-kompanijan päfater i tegim oma olmas lidnas.

Geografijan andmused[vajehta | vajehtada tekst]

Lidn sijadase ühtennimižen jogen randoil, Suomen lahten mero om 15 km suvhe. Matkad Hel'sinkin röunhasai om 30 km päivlaskmha-suvipäivlaskmha E18-avotel.

Vl 2018 lidnankundan pind — 2 139,81 km², sidä kesken kuivma 654,42 km², meri 1 475,28 km², vezi da sokaz tahond ottas 10,11 km².

Eläjad[vajehta | vajehtada tekst]

Vl 1980 eläjiden lugu oli 38 296 ristitud, vl 2010 — 48 768 ristitud. Kaikiš suremb ristitišt om nügüd'.

Vn 2011 Suomenman rahvahanlugemižen andmusiden mödhe suomen kel' om mamankeleks 64,6% täht lidnalaižišpäi, ročin kel' — 30,1% (vl 1960 oli 54,7%), toižed keled — 5,4%.

Homaičendad[vajehta | vajehtada tekst]


Irdkosketused[vajehta | vajehtada tekst]