Raum

Raum
Rauma (suom.)
Raumo (roč.)

Lidnanznam	Flag
Valdkund	Suomenma
Eläjiden lugu (2020-01-01)	39,190 ristitud
Pind	1,110,13 km²
Pämez'	Johanna Luukkonen (heinku 2020—)
Telefonkod	+358-(0)2
Aigvö	tal'vel UTC+2, kezal UTC+3

Raum (suomen kelel: Rauma [ˈrɑumɑ], roč.: Raumo) om Suomenman lidn da lidnankund valdkundan suvipäivlaskmas, Sadakund-provincijas. Se om valdkundan 27nz' lidn eläjiden lugun mödhe.

Istorii

Eländpunkt sai lidnan statusad vn 1442 17. päiväl semendkud aigkirjan mödhe. Rauman vahn lidn (suom. Vanha Rauma) om pandud UNESCO:n mail'man jäl'gusen nimikirjuteshe.

Raum šingotase meriportal, laivoiden likutimiden sauvondal (Rolls Royce), cellülozbumagaižel tehmižel i pumaterialiden pästandal (Metsä Group), turizmal, mugažo santehnikan tegim radab (Oras). Olkiluoto-atomelektrostancii radab läz lidnad vspäi 1978.

Geografijan andmused

Lidn sijadase agjan suvipäivlaskmas, Botnižen lahten randal. Matkad Hel'sinkihesai om 216 km suvipäivnouzmha orhal vai 252 km avtotedme Turkun kal't. Lähižed järedad lidnad oma provincijan Pori-keskuz 50 km pohjoižhe i Turku 90 km suvipäivnouzmha.

Vl 2020 lidnan ühthine pind — 1 110,13 km², sidä kesken kuivma 496,02 km², vezi da sokaz tahond ottas 13,71 km², meri om 600,40 km².

Eläjad

Vl 1980 eläjiden lugu oli 42 973 ristitud, vl 2010 — 39 715 ristitud. Kaikiš suremb ristitišt oli 43 564 eläjad vl 1985.

Mamankelen mödhe (2016): suomen kel' — 95,1%, ročin kel' — 0,3%, toižed keled — 4,6%.

Kari Koski radoi lidnan edeližen pämehen (sügüz'ku 2012 — kezaku 2020).

Galerei

• 
  Pühän Ristan jumalanpert'
• 
  Rauman vahn lidn
• 
  Lidnan uz' kirjišt
• 
  Rauman merimuzei
• 
  Kivikülän arenan tulend vai Äijänsuo-hokkeistadion

Rauman ühthine nägu vezičuhundusespäi vn 2012 semendkus.

Irdkosketused

• Lidnan ohjastusen sait (rauma.fi). (suom.) (ven.)
• Lidnan informacine da turistine sait (raumalle.fi). (suom.)
• Rauman vahn lidn (oldrauma.fi). (suomen i anglijan kelil)
• Raum-lidnan kart (opaskartta.rauma.fi). (suom.)