Laitil

Vikipedii-späi
Laitil
Laitila (suom.)
Letala (roč.)
Lidnanznam
Valdkund Suomenma
Eläjiden lugu (2020-01-01) 8,571 ristitud
Pind 545,32 km²
Laitil Laitila (suom.) Letala (roč.)
Pämez' Lauri Kattelus
(sügüz'ku 2020—)
Telefonkod +358-
Aigvö tal'vel UTC+2,
kezal UTC+3


Laitil (suom.: Laitila, suomen virkand: [ˈlɑitilɑ], roč.: Letala) om Suomenman lidn da lidnankund Suvipäivlaskmaine Suomenma-agjas. Se om agjan kaikiš penemb lidn üks'toštkümnespäi eläjiden lugun mödhe.

Istorii[vajehta | vajehtada tekst]

Municipalitetan aluz om pandud vl 1868. Se sai lidnan statusad vl 1986.

Laitil šingotase mašinansauvomižen tegimil: armaturan šurunke järed tegii («Naval Oy», vspäi 1975), mašiništ mecan varhapanendan täht («Laitilan Metalli Laine Oy», vspäi 1973), mašiništ pumaterialan pilindan täht («Tommi Laine Trading Oy», vspäi 1993), avtoiden palad (tulleistöklad, plastiktegesed, kurdištimed — «Metpela Oy», «Pilkington Automotive Oy», «Coreplast Laitila Oy», «Finnlamex Oy»). «Amitec Oy»-kompanii montiruib tegimid i torvveimid. «Mattiovi Oy» om honuzkeskeižiden uksiden tegii vspäi 1911. Alkogolitomiden jomiden tegim radab lidnas mugažo («Laitilan Wirvoitusjuomatehdas Oy»). «Kasitie»-bizneskeskuz abutab metallanümbriradmižen sarakon uzile edheotandoile.

Geografijan andmused[vajehta | vajehtada tekst]

Lidn sijadase agjan lodehes, penen Härinänjogen hural randal. Matkad agjan Turku-keskushesai om 57 km suvipäivnouzmha orhal vai 61 km avtol. Matkad Hel'sinki-pälidnhasai om 194 km päivnouzmha-suvipäivnouzmha orhal vai 225 km avtotedme. Toižed lähembaižed lidnad (avtotedme) oma Uusikaupunki 20 km päivlaskmha i Raum (Sadakund) 30 km lodeheze-pohjoižhe.

Vl 2020 lidnankundan pind — 545,32 km², sidä kesken kuivma 531,85 km², vezi da sokaz tahond ottas 13,47 nellikkilometrad.

Eläjad[vajehta | vajehtada tekst]

Vl 1980 eläjiden lugu oli 8 855 ristitud, vl 2010 — 8 440 ristitud. Kaikiš suremb ristitišt oli 9 342 eläjad vl 1990. Ristituiden seičeme kümnendest elädas lidnankundan keskuses.

Mamankelen mödhe (2016): suomen kel' — 94,8%, ročin kel' — 0,4%, toižed keled — 4,8%.

Edeližed lidnanpämehed oma Jukka Alkio (1994−2017) i Johanna Luukkonen (2017−2020).

Galerei[vajehta | vajehtada tekst]

Homaičendad[vajehta | vajehtada tekst]


Irdkosketused[vajehta | vajehtada tekst]