Kristiinankaupunki

Kristiinankaupunki (veps. i suom.)
Kristinestad (roč.)
	Lidnanznam;
Valdkund	Suomenma
Eläjiden lugu (2024)	6,155 ristitud
Pind	1,679,17 km²
Pämez'	Mila Segervall; (kül'mku 2018—)
Telefonkod	+358-
Aigvö	tal'vel UTC+2,; kezal UTC+3

Kristiinankaupunki (mugažo suomen kelel, suomen virkand: [ˈkristiːnɑŋˌkɑu̯puŋki], roč.: Kristinestad [krɪsˈtîːnɛˌstɑːd], sijaline ročin virkand: [krisˈtiːneˌstɑːd]) om Suomenman lidn da lidnankund valdkundan suvipäivlaskmas. Se om Pohjanma-agjan videnz' lidnankund kudespäi eläjiden lugun mödhe.

Istorii

Külä sai lidnan oiktusid vl 1649, nimitihe Ročinman Kristina-kunigaznaižen (eli vll 1626–1689) mödhe. Mülütihe koumed küläkundad Kristiinankaupunkihe vl 1973: Lapväärtti, Siipüü (suom.: Siipyy) i Tiukk (Tiukka).

Kristiinankaupunki šingotase tegimištoližen mašiništon pästandal, kartohkan kazvatandal (27 km² vl 2009) i čipsoiden tehmižel sišpäi, mugažo turizmal.

Geografijan andmused

Lidn sijadase agjan suves, Botnižen lahten merikaran randoil.

Matkad agjan Vas-keskushesai om 92 km pohjoižhe orhal vai 101 km avtol, Hel'sinki-pälidnhasai om 302 km suvipäivnouzmha orhal vai 344 km avtotedme. Lähembaižed lidnad oma Kaskinen 15 km lodeheze orhal vai 30 km avtotedme, i Närpes 22 km pohjoižhe orhal vai 31 km avtol.

Lidnankundan pind om 1679,19 km² (2022), sidä kesken kuivma — 683,25 km², vezi i sokaz tahond ottas 14,47 km², meri om 981,45 km².

Tobmuz

Kristiinankaupunkin municipaline suim kogoneb 27 ezitajaspäi.

Riitta El-Nemr radoi edeližen lidnanpämehen (2005−2018).

Eläjad

Vl 1980 lidnan eläjiden lugu oli 9 043 ristitud, vl 2000 — 8 084 ristitud, vl 2010 — 7 157 ristitud, vl 2020 — 6 504 ristitud. Municipalitetan kaikiš suremb ristitišt oli 9 081 eläjad vl 1985. Kaks' ristitud koumespäi elädas lidnankundan keskuses.

Kodikel' (2016): suomen kel' — 40,9 %, ročin kel' — 55,1 %, toižed keled — 4,0 %.