Närpes
Lidnanznam![]() | |
Valdkund | Suomenma |
Eläjiden lugu (2020-01-01) | 9,479 ristitud |
Pind | 2,334,14 km² |
![]() | |
Pämez' | Hans-Erik Lindkvist (2007—. Hans-Erik Lindqvist) |
Telefonkod | +358- |
Aigvö | tal'vel UTC+2, kezal UTC+3 |
Närpes (mugažo ročin kelel, sijaline ročin virkand: [ˈnærpːes], suom.: Närpiö) om Suomenman lidn da lidnankund valdkundan suvipäivlaskmas, Botnižen lahten randpolel. Se om Pohjanma-agjan koumanz' lidnankund kudespäi eläjiden lugun mödhe.
Istorii[vajehta | vajehtada lähte]
Municipalitetan aluz om pandud vl 1867. Mülütihe kaht küläkundad Närpesha vl 1973: Ülimarkku i Pirttikülä (paloin). Kund sai lidnan statusad vl 1993.
Närpes šingotase avtoližavedamiden tehmižel jüguavtoiden täht (rujonvedimed, «Ab Närpes Trä & Metall – Oy Närpiön Puu ja Metalli») i kazmuzhonusiden järedal ižandusel: 77 ga i 1200 radnikad anttas Suomenman tomatoiden koume videndest i kurkuiden koumandest. Fortum-koncernan tulleielektrostancii om sauvomas vll 2019−2021.
Geografijan andmused[vajehta | vajehtada lähte]
Lidnankundan keskuz sijadase ühtennimižen jogen randoil (roč.: Närpes å, suom.: Närvijoki / Närpiönjoki) kümnes kilometras sen lanktendaspäi merhe, agjan suvipäivlaskmas. Matkad agjan Vas-keskushesai om 70 km pohjoižhe orhal vai 82 km avtol, Hel'sinki-pälidnhasai om 320 km suvipäivnouzmha orhal, 362 km avtotedme vai raudtel. Lähembaižed lidnad avtotedme oma Kaskinen (mererandal) 15 km suvhe-suvipäivlaskmha i Kristiinankaupunki (mererandal) 25 km suvhe. «Kaskinen — Kurikk»-raudtekeskust läbitab kundad.
Vl 2020 lidnankundan pind — 2334,14 km², sidä kesken kuivma 977,71 km², vezi i sokaz tahond ottas 7,75 km², meri om 1348,68 km².
Eläjad[vajehta | vajehtada lähte]
Vl 1980 Närpesan kundan eläjiden lugu oli 10 816 ristitud (kaikiš suremb ristitišt), vl 2010 lidnankundan — 9 435 ristitud. Ristituiden pol' eläb lidnankundan keskuses.
Vn 2016 andmusiden mödhe, suomen kel' om mamankeleks 5,4% täht lidnalaižišpäi, ročin kel' — 81,4%, toižed keled — 13,2%. Edel 2016. vot kundan oficialine kel' oli üks'jäine — ročin kel', jäl'gmäine mugoine kund kontinentaližes Suomenmas.
Galerei[vajehta | vajehtada lähte]
-
Lidnan tobmuden pert'
-
Närpesan lüteranine jumalanpert'
(16.-18. voz'sadad, vn 2019 nägu) -
Enččen ročinkel'žen Pohjanman rahvahaližakademijan sauvused (2007)
-
Ročinman «Folksam»-varmituzkompanijan ofis Närpesas (2016)
Homaičendad[vajehta | vajehtada lähte]
Irdkosketused[vajehta | vajehtada lähte]
- Lidnan oficialine sait (narpes.fi). (roč.) (suom.)
![]() |
Närpes Vikiaitas |