Loimaa

Vikipedii
Mine navigeerimisribale Mine otsikasti
Loimaa
Lidnanznam
Loimaa.vaakuna.svg
Valdkund Suomenma
Eläjiden lugu (2020-01-01) 15,843 ristitud
Pind 851,93 km²
Loimaa
Pämez' Jari Rantala
(tal'vku 2008—)
Telefonkod +358-
Aigvö tal'vel UTC+2,
kezal UTC+3


Loimaa (mugažo suomen i ročin kelil, suomen virkand: [ˈloimɑː], ročin istorine: Loimijoki) om Suomenman lidn da lidnankund Suvipäivlaskmaine Suomenma-agjas. Se om agjan kudenz' lidn eläjiden lugun mödhe üks'toštkümnespäi.

Istorii[redaktiruida | redaktiruida purde]

Eländpunktan aluz om pandud 14. voz'sadal vai sen aigemba, Loimaa mainitase vspäi 1439. Raudte tuli Loimaaha vl 1876, i panihe nügüdläižen lidnan alust. Municipalitetan aluz om pandud vl 1921. Tal'vsodan aigan (1939−1940) venäkel'žed ortodoksižed eläjad oliba sirtud sihe Karjalan kaglusen Krasnosel'skoje-žilospäi (suom.: Kyyrölä). Loimaa-kund sai lidnan statusad vl 1969. Ühtištuihe lidnad ümbärdajanke Loimaan kundanke vl 2005, Alastaro- i Mellilä-kundoidenke vl 2009.

Loimaa šingotase ühthekeitandan mašiništon tehmižel[1], plastiktegesiden edheotandal, turizmal.

Geografijan andmused[redaktiruida | redaktiruida purde]

Lidn sijadase agjan pohjoižpäivnouzmaiženno röunanno, Loimijogen hural randal tobjimalaz (suom.: Loimijoki 114 km pitte, Kokemäenjogen hura ližajogi). Matkad agjan Turku-keskushesai om 65 km suvipäivlaskmha avtotel. Matkad Hel'sinkihesai om 128 km suvipäivnouzmha orhal vai 150 km avtotedme. Lähembaižed lidnad (avtol) oma Forss (Kanta-Häme) 37 km päivnouzmha, Somero 43 km suvipäivnouzmha i Huttinen (Sadakund) 50 km lodeheze. «Turku — Tampereh»-mante läbitab lidnad.

Vl 2020 lidnankundan ühthine pind — 851,93 km², sidä kesken kuivma 848,13 km², vezi da sokaz ma otiba 3,8 nellikkilometrad.

Eläjad[redaktiruida | redaktiruida purde]

Vl 1980 eläjiden lugu oli 18 612 ristitud (kaikiš suremb ristitišt), vl 2010 — 16 916 ristitud.

Mamankelen mödhe (2016): suomen kel' — 97,0%, ročin kel' — 0,2%, toižed keled — 2,8%.

Professionaližen opendusen aluzkundad oma Loimaan profkolledž i muzikkolledž.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Ühthekeitandan mašiništon kompanijan sait (pemamek.com). (angl.)

Irdkosketused[redaktiruida | redaktiruida purde]