Viitasaari

**Viitasaari**
	Lidnanznam;
Valdkund	Suomenma
Eläjiden lugu (2020-01-01)	6,168 ristitud
Pind	1,589,12 km²
Pämez'	Janne Kinnunen; (kezaku 2013—)
Telefonkod	+358-
Aigvö	tal'vel UTC+2,; kezal UTC+3

Viitasaari (mugažo suomen i ročin kelil) om Suomenman lidn da municipalitet valdkundan keskuzpalan suves. Mülüb Kesksuomenma-agjaha, sen kaikiš penemb lidnankund kudespäi eläjiden lugun mödhe.

Istorii[redaktiruida | redaktiruida purde]

Municipalitetan aluz om pandud vl 1635. Kund sai lidnan statusad vl 1996.

Viitasaari šingotase il'man kondicioniruindan mašiništon tehmižel («PKA-Invest Oy»), südäičomitandan tavaroiden pästandal («Pisla Oy») i logistikan kompanijal («Kuljetus Villman Oy»).

Geografijan andmused[redaktiruida | redaktiruida purde]

Lidn sijadase agjan pohjoižpäivnouzmas, 140 m ü.m.t. keskmäižel korktusel, Keitele-järven pohjoižel randal (494 km², 100 m ü.m.t.). Matkad agjan Jüväskülä-keskushesai om 93 km suvhe orhal vai 99 km avtotedme, Hel'sinki-pälidnhasai om 327 km suvhe orhal vai 369 km avtol. Lähembaižed lidnad oma Äänekoski 53 km suvhe orhal vai 58 km avtotedme i Saarijärvi 51 km suvipäivlaskmha orhal vai 72 km avtotedme.

Vl 2020 lidnankundan pind — 1589,12 km², sidä kesken kuiv ma 1248,55 km², vezi da sokaz tahond ottas videndest (340,57 km², 230 järved). Kaikiš znamasižembad järved oma Keitele, Kolim (suom.: Kolima) i Muuruejärvi.

Eläjad[redaktiruida | redaktiruida purde]

Vl 1980 lidnan territorijan eläjiden lugu oli 8 910 ristitud (kaikiš suremb ristitišt vspäi 1980), vl 2010 — 7 174 ristitud. Ristituiden koume videndest elädas lidnankundan keskuses.

Kodikelen mödhe (2016): suomen kel' — 98,8%, ročin kel' — 0,1%, toižed keled — 1,1%.

Jouko Räsänen radoi edeližen lidnanpämehen vll 2003–2013.