Seinjogi

Seinjogi
Seinäjoki (suom. i roč.)

Lidnanznam
Valdkund	Suomenma
Eläjiden lugu (2018)	62,871 ristitud
Pind	1,469,23 km²
Pämez'	Jaakko Kiiskilä (2020—)
Telefonkod	+358-(0)6
Aigvö	tal'vel UTC+2, kezal UTC+3

Seinjogi (suom. i roč.: Seinäjoki) om lidn da lidnankund Suomenman suvipalan päivlaskmas, Suvipohjanma-provincijan pälidn. Se om valdkundan seičemenz'toštkümnenz' lidn eläjiden lugun mödhe.

Istorii

Eländpunktan aluz om pandud vl 1868 kuti kund. Päraudtestancii om avaitud vl 1883 nügüdläižen lidnan keskuses, nimitihe sidä Östermür (roč.: Östermyra) vhesai 1897. Znamasine raudtesol'm oli tetab raudan i savikahan porhan tehmižel. Seinjogi sai lidnan torgusen oiktusid vl 1931, lidnan statusad vl 1960. Sirtihe pagenikoid sihe Tal'vsodan jäl'ghe. Oiged raudte ühtenzoitab Tamperehenke 1970-nziš vozišpäi.

Seinjogi šingotase sömtegimišton edheotandoil.

Geografijan andmused

Lidn sijadase Kürönjoki- i Autionkoski-jogiden randoil. Matkad Hel'sinkihesai om 300 km suvhe-suvipäivnouzmha orhal, 360 km avtol vai raudtedme. Lähembaine järed lidn om Vas mererandal 60 km lodeheze.

Vl 2018 lidnankundan pind — 1 469,23 km², sidä kesken kuivma 1 431,77 km², vezi da sokaz tahond ottas 37,46 km².

Tobmuz

Seinjogi-lidn jagase 14 rajonaks, ned alagajasoiš 59 žiloks da küläks.

Edeline lidnan pämez' om Jorma Rasinmäki (radoi vspäi 2005).

Eläjad

Vl 2005 eläjiden lugu oli 35 918 ristitud. Vll 2005 i 2009 ühtištuihe lähižid municipalitetoid lidnanke, i kaikiš suremb ristitišt om nügüd'.

Mamankel' (2016): suomen kel' — 97,4 %, ročin kel' — 0,2 %, toižed keled — 2,4 %.

Seinjogen sättutoitud tedoiden universitet om professionaližen opendusen aluzkundaks.

Galerei

• 
  Lidnan ohjastusen pert' (2018)
• 
  Seinjogen teatr (2013)
• 
  «Apila»-kirjišt

Irdkosketused

• Lidnan ohjastusen sait (seinajoki.fi). (suom.) (angl.) (roč.)