Kokkol

Vikipedii
Mine navigeerimisribale Mine otsikasti
Kokkol
Kokkola (suom.)
Karleby (roč.)
 Lidnanznam
Kokkola.vaakuna.svg
 Flag
Kokkola.flag.svg
Valdkund Suomenma
Eläjiden lugu (2020-01-01) 47 724 ristitud
Pind 2 730,80 km²
Kokkol Kokkola (suom.) Karleby (roč.)
Pämez' Stina Mattila
(2 016—)
Telefonkod +358-(0)6
Aigvö tal'vel UTC+2 
kezal UTC+3


Kokkol (suom.: Kokkola, roč.: Karleby i edel 1977 vot Gamlakarleby) om Suomenman lidnankund, lidn da sur' tondan-vendan port valdkundan päivlaskmaižel randal. Se om Keskpohjanma-agjan pälidn.

Istorii[redaktiruida | redaktiruida purde]

Eländpunktan aluz om pandud vl 1620 ročilaižen Gustav II Adol'f-kunigahan käskön mödhe. Vl 1765 žilo sai torguindoiktusid. Mülütihe nenid kundoid municipalitetha: Kaarlel (suom.: Kaarlela) vl 1977, Kälviä, Lohtai i Ullav vl 2009 (Kälviä, Lohtaja, Ullava).

Kokkol šingotase laivansauvomižel da himižel tegimištol tobjimalaz, cinkan («Boliden AB») i kobal'tan («OM Group») tegimil, mugažo metallan i mecan ümbriradandan, tekstilin, plastikan i sömän tehmižen edheotandoid om lidnas.

Geografijan andmused[redaktiruida | redaktiruida purde]

Lidn sijadase Baltijan meren randal. Perhonjogi ümbärdab lidnad rajonid päivnouzmaspäi i lankteb merhe lidnan pohjoižes. Lähembaine znamasine lidn om Pietarsaari suvipäivlaskmha mererandadme, 32 km E8-avtotedme. Rahvahidenkeskeine ühthine lendimport kahten lidnan täht (KOK) sijadase 19 km suvhe lidnan keskusespäi, tehtas reisid Hel'sinkihe (500 km suvhe), Kemihe i čarterreisid Keskmeren lebutahoiže.

Vl 2020 lidnankundan pind om 2 730,8 km², sidä kesken kuivma 1 445,44 km², vezi da sokaz tahond ottas 41,99 km², meri — 1 243,37 km².

Eläjad[redaktiruida | redaktiruida purde]

Vl 1964 eläjiden lugu oli 18 145 ristitud, vl 2010 — 46 257 ristitud, ühtištusen jäl'ghe lähižidenke kundoidenke vll 1977 i 2009. Kaikiš suremb ristitišt om nügüd'. Nell' ristitud videspäi elädas lidnankundan keskuses.

Suomen kel' om mamankeleks 84% täht, ročin kel' — 12,7%, toižed keled — 3,4% (2016).

Antti Isotalus radoi lidnan edeližen pämehen vll 1991−2016.

Galerei[redaktiruida | redaktiruida purde]

Homaičendad[redaktiruida | redaktiruida purde]


Irdkosketused[redaktiruida | redaktiruida purde]




Suomenman agjad da niiden administrativižed keskused
Ahvenanma1 (Mariehamn) | Kainu (Kajani) | Kanta Häme (Hämenlidn) | Keskpohjanma (Kokkol) | Kesksuomenma (Jüväskülä) | Kümenlakso (Kouvol) | Laplandii (Rovanem') | Pirkanma (Tampereh) | Pohjanma (Vas) | Pohjoižkarjal (Jogensu) | Pohjoižpohjanma (Oulu) | Pohjoižsavo (Kuopio) | Päijät Häme (Laht) | Sadakund (Pori) | Suvikarjal (Lapenrand) | Suvipohjanma (Seinjogi) | Suvipäivlaskmaine Suomenma (Turku) | Suvisavo (Mikoi) | Udenma (Hel'sinki)
1 Avtonomine agj.