Hanko

Hanko (veps. i suom.)
Hangö (roč.)

Lidnanznam
Valdkund	Suomenma
Eläjiden lugu (2020-01-01)	8,203 ristitud
Pind	800,02 km²
Pämez'	Denis Strandell (sulaku 2015—)
Telefonkod	+358-(0)19
Aigvö	tal'vel UTC+2, kezal UTC+3

Hanko (mugažo suomen kelel, roč.: Hangö; enččes venäkel'ne nimi oli Gangut) om Suomenman lidnankund, lidn da port valdkundan da sen Udenma-provincijan suvipäivlaskmas. Se om Suomenman kaikiš suvemb lidn.

Istorii

Ende pol'saren nem' oli purehlaividen seižuteseks, ned varastiba mödtulleid. Tahondan vanh suomen nimi om Kumionpää.

Eländpunktan aluz om pandud vl 1874 kuti jädumatoi meriport lopraudtestancijanke varatoitmaha Piterid miččel taht voden aigal. Hankon port kändihe emigracijan keskuseks, 19. da 20. voz'sadoil 240 tuhad ristituid sirdihe täspäi Pohjoižamerikha. Vll 1940−1941 Suomenma andoi lidnan sodameribazad kortomha Nevondkundaližele Ühtištusele, vll 1944−1955 Porkkalan kortom oli sen sijas.

Hanko šingotase meriportaks, jahtoiden keskuseks i «kezalidnaks», elämhä kezaaigan tobjan palan.

Geografijan andmused

Lidn sijadase ühtennimižen pol'saren agjas, om ümbärtud merel koumes polespäi. Matkad Hel'sinkihesai om 127 km päivnouzmha-pohjoižpäivnouzmha.

Vl 2020 lidnankundan pind — 800,02 km², sidä kesken kuiv ma 117,42 km², vezi da sokaz tahond otiba 1,53 nellikkilometrad, meren pind om 681,07 km². Mererand da kül'bendrandad oma läz 30 kilometrad pitte lidnas, äiluguižed šherad (pened kall'oikahad sared) ümbärtas Hankod.

Eläjad

Vl 2015 eläjiden lugu oli 9 026 ristitud. Kaikiš suremb ristitišt oli 12 163 eläjad vl 1980.

Mamankelen mödhe (2016): suomen kel' — 52,3%, ročin kel' — 42,9%, toižed keled — 4,8%.

Lidnan edeline pämez' oli Jouko Mäkinen (2009−2015).

Galerei

• 

  Hankon bul'var, lidnan ohjastusen pert' om oiktad kät

• 

  Vezičuhunduz i lüteranine jumalanpert' vl 2018

• 

  Hankon kazino

• 

  Raudtestancijan nägu sen sauvusenke keskuses (kaks'žiruine pert')

Irdkosketused

• Lidnan tobmuden sait (hanko.fi). (suom.) (roč.) (angl.)