Mikoi

Mikoi
Mikkeli (suom.)
S:t Michel (roč.)
	Lidnanznam;
Valdkund	Suomenma
Eläjiden lugu (2024)	51,965 ristitud
Pind	3,229,57 km²
Pämez'	Janne Kinnunen; (2023—)
Telefonkod	+358-(0)15
Aigvö	tal'vel UTC+2,; kezal UTC+3

Mikoi (suom.: Mikkeli [ˈmikːeli], roč.: S:t Michel vai Sankt Michel «Pühä Mikoi») om lidn da lidnankund Suomenman suvipäivnouzmas. Se om valdkundan 18nz' lidn eläjiden lugun mödhe, Suvisavo-agjan administrativine keskuz.

Istorii

Ezmäine eländpunkt mainitase vl 1323 kuti alištunu Uz'lidnale Savilahten pagast territorijan andmižen aigan Ročinman tobmuden alle. Nügüdläižen eländpunktan aluz om pandud vl 1838 Nikolai I käskön mödhe gubernijan keskuseks.

Toižen mail'man sodan aigan Suomenman sodavägiden štab sijazihe neciš lidnas, eli läbi äjiš bombardiruindoiš sen tagut.

Geografijan andmused

Lidn sijadase Saimaa-järven randal.

Matkad Hel'sinkihesai om 210 km suvipäivlaskmha orhal, 230 km avtotel Lahten kal't, 300 km raudtedme Kouvolan kal't.

Vn 2022 andmusiden mödhe lidnan ühthine pind om 3 229,57 km², sidä kesken kuivma — 2 548,18 km², sokaz ma otab videndest (681,39 km²).

Tobmuz

Mikoi-lidn jagase 38 nimitadud rajonaks, 59 küläd alištudas lidnan tobmudele. Lidnan municipaline suim kogoneb 51 ezitajaspäi.

Edeližed lidnan pämehed oma Timo Halonen (semendku 2015 — 2022), Ari Liikanen (radoi vhesai 2015).

Eläjad

Vl 1980 lidnankundan ristitišt oli 52 505 eläjad, vl 2000 — 55 222 eläjad, vl 2010 — 54 455 eläjad, vl 2020 — 53 197 eläjad. Kaikiš suremb kundan eläjiden lugu oli 55 563 ristitud vl 1995.

Mamankelen mödhe (2016): suomen kel' — 96,1 %, ročin kel' — 0,1 %, toižed keled — 3,8 %.

Galerei

Lidnan ohjastusen pert' vl 2011
Mikoin evangeliž-lüteranine päjumalanpert' ümbrištonke, vn 2006 nägu
Suvipäivnouzmaižen Suomen sättutoitud tedoiden universitet, Mikoin kampus vl 2018
Koncertzal (2012)
Lidnan sportpuišt (2011)
Mikkelin raudtestancii vl 2012

Homaičendad

Irdkosketused

Mikoi-lidnan oficialine sait (mikkeli.fi). (suom.) + rahvahidenkeskeižen informacijan jaguz äjil kelil

Mikoi Vikiaitas

	Suomenman agjad da niiden administrativižed keskused
	Ahvenanma¹ (Mariehamn) \| Kainu (Kajani) \| Kanta Häme (Hämenlidn) \| Keskpohjanma (Kokkol) \| Kesksuomenma (Jüväskülä) \| Kümenlakso (Kouvol) \| Laplandii (Rovanem') \| Pirkanma (Tampereh) \| Pohjanma (Vas) \| Pohjoižkarjal (Jogensu) \| Pohjoižpohjanma (Oulu) \| Pohjoižsavo (Kuopio) \| Päijät Häme (Laht) \| Sadakund (Pori) \| Suvikarjal (Lapenrand) \| Suvipohjanma (Seinjogi) \| Suvipäivlaskmaine Suomenma (Turku) \| Suvisavo (Mikoi) \| Udenma (Hel'sinki)
	¹ Avtonomine agj.