Raahe

Raahe (veps. i suom.)
Brahestad (roč.)

Lidnanznam
Valdkund	Suomenma
Eläjiden lugu (2018-12-31)	24,822 ristitud
Pind	1,889,00 km²
Pämez'	Ari Nurkkala (keväz'ku 2017—)
Telefonkod	+358−8
Aigvö	tal'vel UTC+2, kezal UTC+3

Raahe (mugažo suomen kelel, roč.: Brahestad) om Suomenman lidn valdkundan keskuzpalan päivlaskmas, Pohjoižpohjanma-agjas.

Istorii

Eländpunktan aluz om pandud vl 1649 ročilaižel Per Brage noremb-grafal, Suomenman jenaralgubernatoral. Lidn om nimitadud hänen oiktastuseks. Vl 1791 Brahestad sai štapel'oiktust sauvomha torguindvaražomid. Puine pertišt om saudud uden varuitoman projektan mödhe vn 1810 suren lämoipalon jäl'ghe.

Raahe šingotase meriportal kivivoiterminalanke i raudan metallurgijan kombinatal.

Geografijan andmused

Lidn sijadase Botnižen lahten randal. Matkad agjan Oulu-pälidnhasai om 75 km pohjoižpäivnouzmha, Hel'sinkihesai om 502 km suvhe orhal, 604 km avtotedme vai raudtel.

Vl 2018 lidnan ühthine pind oli 1 889,00 km², sidä kesken kuivma 1 014,41 km², meri 861,76 km², sokaz ma oti 12,83 nellikkilometrad.

Eläjad

Vl 1985 eläjiden lugu oli 28 431 ristitud, se ristitišt oli kaikiš suremb.

Mamankelen mödhe (2016): suomen kel' — 97,5%, ročin kel' — 0,1%, toižed keled — 2,4%.

Edeline lidnan pämez' oli Kari Karjalainen (2006−2016).

Galerei

• 

  Lidnan ohjastusen pert' vl 2014

• 

  Raahen lüteranine jumalanpert' vl 2018 (om saudud vll 1909−1912)

• 

  Softpolis-ofisad vl 2006

• 

  Lidnan läžundkodi

• 

  Raahen muzei

Sebruzlidnad

• Venäma Čerepovec, Vologdan agj, Venälaine Federacii (vspäi 1968)
• Slovakii Košice, Slovakii (1987)
• Norvegii Mu i Ran, Norvegii

Irdkosketused

• Lidnankundan oficialine sait (raahe.fi). (suom.) (angl.) (roč.) (ven.)