Mu i Ran

Mu i Ran
Mo i Rana

Valdkund	Norvegii
Eläjiden lugu (2022)	18,864 ristitud
Pind	12,8 km²
Telefonkod	+47-
Aigvö	tal'vel UTC+1, kezal UTC+2

Ran-kundan kart (2007), olnuziden vhesai 1964 municipalitetoiden palad oma ozutadud

Mu i Ran (norv.: Mo i Rana [ˈmuː ɪ ˈrɑ̀ːnɑ] «Mu Ranas», paginoiš i edel 1999. vot oficialižešti muite Mu, suvisaameks: Måefie, pohjoižsaam.: Måehvie) om Norvegijan lidn Nurlann-agjan keskuzpalan suves. Se om Ran-kundan administrativine keskuz (vspäi 1964).

Istorii

Puine jumalanpert' tegihe ezmäižeks sauvuseks nügüdläižen lidnan territorijal vspäi 1724. Vll 1923−1964 Mu-kund oli olmas. Vll 1946−1988 raudan metallurgine tegim radoi sijaližel torhudel. Municipalitet om lidnan statusanke vspäi 1997.

Mu i Ran šingotase mašinansauvomižen kompanijoil, torguindal, tedoidusil i informacižil tehnologijoil. Om gidroelektrostancijoid lidnan ümbrištos. Arctic Circle Raceway-voibištelendrengaz radab koumekümnes kilometras pohjoižhe lidnaspäi.

Geografijan andmused

Lidnan sijaduz agjas i valdkundas vn 2007 kartal

Lidn sijadase Ranfjordan suhišton randal, seičemekümnes kilometras valdmeren pärandištospäi, 26 m ü.m.t. keskmäižel korktusel. Ranelv-jogi lankteb fjordha.

Matkad agjan Budö-keskushesai om 108 km pohjoižhe orhal vai 229 km avtoteidme. Raudte ühtenzoitab Trondheimanke i Budönke.

Klimat om subarktine neps venon röunal. Voden keskmäine lämuz om +3,7 C°, heinkun +14,8 C°, tal'vkun-keväz'kun −2,9..−5,9 C°. Ekstremumad oma −35,2 C° (viluku) i +33,0 C° (heinku). Kezaaigan minimum om −2,2 C° (kezaku, eloku), tal'vaigan maksimum om +9,2 C° (uhoku). Voib panda halad kezaaigan miččel taht kul (heinkun minimum om 0 C°). Paneb sadegid 1430 mm vodes, enamba redukus (186 mm), vähemba sulakus-kezakus (64..74 mm kus). Kun keskmäine relätivine nepsuz vajehtase 68..71 % semendkus-heinkus, 80..85 % sügüz'kus-uhokus, 74..76 % toižiš kuiš.

Eläjad

Vl 1964 oli Mu-kundan ühtistusen voz' lähižidenke kundoidenke, i sil aigal kundan ristitišt oli 9 616 eläjad 12 km² pindal. Vl 2013 lidnan eläjiden lugu oli 18 358 ristitud, Ran-kundan koume videndest.

Pohjoižen universitetan (Budö) Helgeland-kampus radab lidnas. Norvegijan rahvahaline kirjišt Nurlann-agjas kaičese Mu i Ranas.

Galerei

• 
  Ran-kundan tobmuden sauvuz (2017)
• 
  Lidnan jumalanpert' (lüteranine, om saudud vl 1724), vn 2007 nägu
• 
  Mu i Ranan industrialine park vl 2007
• 
  Ran-kundan muzei lidnas (vn 2005 olend)

Tetabad sündnuded

• Emili Kalkenberg — norvegine biatlonist.
• Elin Nil'sen — norvegine hihtai, Olimpižiden vändoiden i mail'man čempionatoiden äikerdaine vägestai.
• Tronn Sol'jed — norvegine futbolist da futboltrener.
• Kristin Stermer Steira — norvegine hihtai.
• Liza-Maria Utland — norvegine futbolist.

Irdkosketused

• Lidnan da sen kommunan oficialine sait (rana.kommune.no). (norv.)