Oulu

Vikipedii
Hüpähtada: navigacii, Ecind
Oulu
Oulu (suom.)
Uleåborg (roč.)
Lidnanznam
Oulu.vaakuna.svg
Valdkund Suomenma
Eläjiden lugu (2015) 190 000[1] ristitud
Pind 187,13[2] km²
OuluOulu (suom.)Uleåborg (roč.)
Pämez' Matti Pennanen (2 006-)


Aigvö tal'vel UTC+2 
kezal UTC+3


Oulu (suom.: Oulu, roč.: Uleåborg) om videnz' surtte lidn Suomenmas, Pohjoižpohjanma-provincijan pälidn.

Se om Pohjoižen Skandinavijan kaikiš suremb lidn, kaikiš amuižemb lidn Suomenman pohjoižes, järed tedokeskuz.

Istorii[redaktiruida | redaktiruida purde]

Vl 1377 ezmäine eländpunkt nügüd'aigaižen lidnan territorijas mainitase Uz'lidnan aigkirjas kuti karjalaižiden lidnuz Ovl-jogen randal (ven.: новый городок на Овле-реце).

Nügüdläižen eländpunktan aluz om pandud vl 1605 sulakun 8. päiväl kuti ročin lidnuz. Se sai lidnan statusad vl 1610.

Vl 1822 sur' lämoipalo oli tehnus lidnas.

Geografijan andmused[redaktiruida | redaktiruida purde]

Oulun kuva kaimdajaspäi vl 2007.

Lidn sijadase valdkundan lodehes, Baltijan meren Botnižen lahten randal, ühtennimižen jogen lanktendan sijas. Matkad Hel'sinkihesai om 607 km suvhe avtotedme, 539 km orhal.

Klimat om subarktine Baltijan meren. Keskmäine lämuz vilukus om -9,6°C, heinkus +16,5°C, vodenkeskeine +2,7°C. Paneb sadegid 477 mm vodes, enamba kaiked — heinkus-elokus. Läz ei olele päipaštod tal'vel (8-28 časud kus).

Oulu jagase 23 kundha, ned alajagasoiš 106 lidnrajonha (ümbrikho).

Eläjad[redaktiruida | redaktiruida purde]

Vl 1980 lidnan da sen ümbrišton eläjiden lugu oli 121 809 ristitud.

Rahvahad (ezmäižen kodikelen mödhe, 2014): suomalaižed — 96,4%, ročilaižed — 0,2%, saamalaižed — 0,1%, toižed — 3,3%.

Lüteranižen hristanuskondan kaks' päjumalanpertid, seičeme jumalanpertid i kapell oma lidnas.

Ižanduz[redaktiruida | redaktiruida purde]

Lidnan ižandusen päsarakod oma sauvond, bumagan tegmine (Stora Enso), elektrotehnine sarak (Nokia), turizm (sidä kesken rahvahidenkeskeine turizm opendamha).

Toppila-lämuzelektrostancii sijadase lidnan ühtennimižes rajonas, radab turbhal.

Kaks' üläopendusen aluskundad om lidnas: Oulun universitet i Oulun sättutoitud tedoiden universitet.

Transport[redaktiruida | redaktiruida purde]

Raudte Hel'sinkišpäi tuli lidnha vl 1886.

Nell' valdmad om meriportas, ned oma erazvuiččen tipan jüguiden täht. Meriport om üks' kaikiš kävutadud Botnižen lahten randištol.

Rahvahidenkeskeine Oulu-lendimport (OUL) om kahtenz' surtte Suomenmas, se sijadase 15 km suvipäivlaskmha lidnan keskusespäi. Sišpäi tehtas reisid Pohjoiževropan maihe, Suomenmadme i čarterreisid Evropan suvipäivlaskmaižihe lebutahoihe.

Avtobusad oma kundaližeks transportaks, avtod i velosipedad — personaližeks transportaks lidnan südäimes.

Homaičendad[redaktiruida | redaktiruida purde]

  1. 31.03.2016-datal lidnankundan ristitišt om 198 804 eläjad.
  2. Vl 2016 lidnankundan pind om 3 880 km², sidä kesken kuivma 3 031 km², saum vezid 849 km². — Information about Oulu. — City of Oulu - Oulun kaupunki (ouka.fi). (angl.)

Irdkosketused[redaktiruida | redaktiruida purde]