Suomen laht

Suomen lahten bassein (vihand) Baltijan meren basseinan palaks

Suomen laht läz Komarovod (Piter)

Suomen laht (est.: Soome laht, roč.: Finska viken, suom.: Suomenlahti, ven.: Финский залив) om laht Baltijan meren päivnouzmpol'žes palas.

Suomen lahten randad levitasoiš Estinman, Suomenman da Venäman territorijoil. Lugetas ühtenzoitajad Hanko-pol'sart (Suomenma) Piizaspea-nemenke (Estinma) pirdad lahten päivlaskmaižeks röunaks.

Lahten pind om 29 500 nellikkilometrad, basseinan pind — 420 tuh. km². Suomen laht om 420 km pitte i 70..130 km levette (avaros palas). Kaikiš lujemb süvüz om 121 m (keskmäine — 38 m). Järed Kotlin-sar' (Kronštadt-lidnanke) om Venäman pala. Meriveden solakahuz vajehtase tahoidme 0,2..9,2 ‰ röunoiš.

Sured lidnad lahten randoil (častomaraižen mödhe): Espoo, Hel'sinki, Kotk (Suomenma), Viipur, Piter, Sosnovii Bor (Venäma), Narv, Tallidn (Estinma).

Znamasižed langenijad joged: pohjoižespäi — Porvonjogi, Saiman kanal, Haminanjogi, Vantanjogi, Sestr-jogi; Neva päivnouzmaspäi; suvespäi — Keilanjogi, Piritanjogi, Jagalanjogi, Valgejogi, Kundanjogi, Piltsamanjogi, Narv, Luganjogi, Sistanjogi, Kovašinjogi, Voronk, Must, Lebäžj, Strelk, Kikenk.

Irdkosketused

• Suomen lahten polhe (fingulf.ru). (ven.)
• Lahten randoiden fotokuvad spb-guide.ru-saital. (ven.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.