Narv (lidn)

Vikipedii
Hüpähtada: navigacii, Ecind
Disambig gray.svg Sil sanal voib olda toižid znamoičendoid; miše nähta niid, tulgat tänna.
Narv
Narva
 Lidnanznam
Narva vapp.svg
 Flag
Flag of et-Narva.svg
Valdkund Estinma
Eläjiden lugu (2017) 57 130 ristitud
Pind 84,54 km²
NarvNarva
Pämez' Tarmo Tammiste (2 002-2 013, 2 016-)
Telefonkod +37-235
Aigvö tal'vel UTC+2 
kezal UTC+3


Narvan lidnrajonad vspäi 2002.

Narv (est.: Narva, ven.: Нарва) om lidn Estinman pohjoižpäivnouzmas, Venäman röunanno. Se om valdkundan koumanz' surtte lidn, mülüb Ida-Virumaa-makundha.

Istorii[redaktiruida | redaktiruida purde]

Eländpunktan aluz om pandud vl 1223 kuti lidnuz. Kivesine lidnuz om kaičenus tähäsai paloin (est. Narva kindlus / Hermanni linnus). Narv sai lidnan oiktusid 14. voz'sadan ühtendel polel. Mainitase Danijan umakirjas vl 1240 kuti Narvia i Uz'lidnan ezmäižes aigkirjas vozil 1344 da 1444 kuti Rugodiv. Se oli Danijan palaks vhesai 1346, sid' oli alištunu Livonijan ordenale vhesai 1558.

Vll 1581-1704 Ročinma valdoiči lidnal. Vozil 1558-1581 i 1704-1920 Narv oli mülünu Venämaha, sid' — ripmatomuden Estinman pala. Edel Rusttan armijan tulendad kaik ristitišt oli evakuiruidud saksalaižil.

Geografijan andmused[redaktiruida | redaktiruida purde]

Lidn sijadase ühtennimižen jogen hural randal, keskuz seižub 25 m korktusel valdmeren pindan päl. Matkad Tallidnhasai om 210 km päivlaskmha avtotedme vai raudtedme. Ivangorod-lidn om Venäman polel, Narvanjogen oiktal randal (edel mail'man sodad oli Narvan palaks).

Eläjad da ižanduz[redaktiruida | redaktiruida purde]

Vodel 2014 eläjiden lugu oli 59 049 ristitud, heiden keskes (vn 2011 rahvahanlugemižen mödhe): venänikad — 87,7%, estilaižed — 5,2%, ukrainalaižed — 2,1%; toižed — 5%. Kaikiš suremb ristitišt oli vodel 1992 — 82 979 ristitud. Vl 2015 vilukun 1. päiväl 46,9% oliba Estinman rahvahanikoin, 14,9% — apatridad, toižed — verhiden maiden rahvahanikad.

Ižandusen järedad edheotandad oma elektrusen tehmižes (2 GRES:ad, ratas sijaližel šoidkivel), mašiništonsauvomižes, ladimensauvomižes, metallan ümbriradmižes.

Homaičendad[redaktiruida | redaktiruida purde]


Irdkosketused[redaktiruida | redaktiruida purde]