Rakvere

**Rakvere**
Lidnanznam;	Flag;
Valdkund	Estinma
Eläjiden lugu (2024)	15,695 ristitud
Pind	10,8 km²
Pämez'	Triin Varek; (reduku 2019—)
Telefonkod	+372-(0)32-xx-xxx
Aigvö	tal'vel UTC+2,; kezal UTC+3

Rakvere (mugažo estin kelel; vll 1720−1918 Vezenberg, se-žo Veisenberg, saks.: Wesenberg; venän aigkirjištos: Раковор) om Estinman lidn valdkundan pohjoižpäivnouzmas. Se om valdkundan kudenz' surtte lidn eläjiden lugun mödhe, Lääne-Virun makundan administrativine keskuz.

Istorii

Eländpunkt mainitase ezmäižen kerdan vl 1226 kuti Tarvanpea. Nügüd'aigaižen žilon aluz om pandud läz feodalan lidnusen seinid.

Rakvere šingotase mecan ümbriradmižel, sömtegimištol (lihakombinat) i turizmal.

Geografijan andmused

Lidn sijadase makundan keskuzpalan pohjoižes (merenke — keskuzpalas), 82 m ü.m.t. keskmäižel korktusel. Soolikaoja (vai Linnaoja, seičemen kilometran pitte) läbitab lidnan pohjoižpalad.

Matkad Suomen lahthesai om kaks'kümne kilometrad pohjoižhe, Tallidnhasai — 98 km päivlaskmha (se om lähembaine järed lidn). «Piter — Tallidn»-jonuz tegeb seižutest lidnas. Avtote ümbärdab lidnad suvespäi.

Tobmuz

Rakvere jagase kahesaks administrativižeks rajonaks palahiženke ičeohjastusenke.

Lidnan suim (est.: Rakvere linnavalitsus) paneb radsijihe lidnan Administracijan pämehištod. Lidnan Administracijan pämez' om est.: Rakvere linnapea. Edeližed pämehed oma Marko Torm (2017 — sügüz'ku 2019), Mihkel Juhkami (2013−2017).

Eläjad

Vn 2011 Estinman rahvahanlugemižen mödhe lidnan eläjiden lugu oli 15,264 ristitud, vn 2021 — 15,141 ristitud. Kaikiš suremb lidnan ristitišt oli 19,822 eläjad vl 1989.

Rahvahad (enamba 0,4 % vl 2011): estilaižed — 88,08 %, venänikad — 8,98 %, ukrainalaižed — 0,98 %, suomalaižed — 0,9 %, toižed rahvahad — 1,06 %.

Religijan mödhe (2021): uskondan denominacijan märhapanendata 83,2 %, lüteranad 8,5 %, ortodoksižed hristanuskojad 4,0 %, toižed hristanuskojad 1,8 %, toižed religijad vai tedmata 2,5 %.

Galerei

Rakveren lidnuz (kezaku 2012)
Lidnan tobmuden sijaduz i Estin bankan palakund (reduku 2021)
Lidnan keskuztorg (heinku 2007)
Ph. Stroican jumalanpert' (lüteranine, alusenpanend 15. voz'sadal kut ph. Mikoi-arhangelan), nägu vn 2012 kezakus
Rakveren baptizman jumalanpert', eloku 2018
Lidnan torguz i Tsentrum-torguindkeskuz vn 2013 sügüz'kus
Rakveren gimnazii (sügüz'ku 2014)
Rakveren usadib i teatr (vn 2020 kezakun olend)
Basketbol- i voleibol-holl Kastani-irdal (Kastani Arena, kezaku 2008)
Rakvere-päraudtestancijan sauvused vn 2020 sulakus

Irdkosketused

Lidnan tobmuden sait (rakvere.ee). (est.)

Rakvere Vikiaitas